29.04.2026 | 12:17
Թրամփի դիմանկարը՝ ամերիկյան անձնագրի շապիկին
Բարձրաստիճան զինվորականների պաշտոնանկություններ և կադրային փոփոխություններ Ադրբեջանի զինված ուժերում
Քաղաքականություն
12.01.2024 | 21:40
Ադրբեջանի բանակում պաշտոնանկություններ և նոր նշանակումներ են տեղի ունենում։ Ադրբեջանի ՊՆ-ի հաղորդմամբ՝ բանակի մի շարք պաշտոնյաներ, որոնց ակտիվ զինվորական ծառայության տարիքը լրացել է, ուղարկվել են պահեստազոր և անցել թոշակի։
Մասնավորապես, տեղական լրատվամիջոցների փոխանցմամբ՝ Ադրբեջանի զինված ուժերի հատուկ նշանակության ուժերի հրամանատար, գեներալ-լեյտենանտ Հիքմեթ Միրզոևը նշանակվել է պաշտպանության նախարարի տեղակալ, ցամաքային զորքերի հրամանատար։ Նշենք, որ Միրզոևը մասնակցել է 2016 թվականի ապրիլյան ու 2020-ի 44-օրյա պատերազմներին՝ ղեկավարելով հատուկ նշանակության ուժերը։
Համապատասխանաբար, գեներալ-լեյտենանտ Անվար Էֆենդիևն ազատվել է պաշտպանության փոխնախարարի-ցամաքային զորքերի հրամանատարի պաշտոնից։
Պաշտպանության ազգային ակադեմիայի ռեկտոր, գեներալ-լեյտենանտ Հեյդար Պիրիևը ևս հեռացվել է պաշտոնից։ Նրա փոխարեն նշանակվել է գնդապետ Գյունդուզ Աբդուլովը:
Էմմա Չոբանյան
