23.11.2024 | 20:00
Չի ներկայացվել գույքի և ունեցվածքի 509 հայտարարագիր՝ 4 տարում․ ի՞նչ է սպասվում օրինախախտներին. ՔՆՆԱՐԿՈՒՄ
Մեծ Բրիտանիայի վարչապետը մեկնում է Կիև՝ օգնության նոր փաթեթով
Քաղաքականություն
12.01.2024 | 13:42
Մեծ Բրիտանիան 2024 թվականին 2,5 մլրդ ֆունտի ռազմական օգնություն է տրամադրելու Ուկրաինային, որը 200 մլն ֆունտով ավելին է նախորդ երկու տարվանից, գրում է BBC-ի ռուսական ծառայությունը։
Միացյալ Թագավորության վարչապետ Ռիշի Սունակն ուրբաթ Կիևում անձամբ է հանդիպելու Ուկրաինայի նախագահ Վլադիմիր Զելենսկիի հետ։
Միջոցների մի մասը նախատեսվում է ծախսել Ուկրաինայի համար անօդաչու սարքերի ձեռքբերման և արտադրության վրա, այդ թվում՝ հետախուզական, հարձակողական և ծովային անօդաչու սարքերի։ Խոսքը նաև հեռահար հրթիռների, հակաօդային պաշտպանության համակարգերի և հրետանային արկերի մատակարարումների մասին է։
Սունակը նաև Զելենսկիի հետ անվտանգության ոլորտում համագործակցության համաձայնագիր է ստորագրելու, որը ներառում է հետախուզության փոխանակում, բժշկական ու ռազմական ուսուցում և պաշտպանական-արդյունաբերական համագործակցություն:
Վերջին անգամ Սունակը Կիև էր այցելել 2022 թվականի նոյեմբերին։ Մեծ Բրիտանիան ԱՄՆ-ից հետո Ուկրաինային ամենախոշոր ռազմական օգնություն տրամադրող երկիրն է։
Էմմա Չոբանյան
