17.12.2025 | 13:16
Բեռլիոզի «Ռեքվիեմ»-ը՝ Հայաստանի ազգային ակադեմիական երգչախմբի կատարմամբ
Թուրքիան, Ռումինիան և Բուլղարիան Սև ծովի ականազերծման պայմանագիր են ստորագրել
Քաղաքականություն
11.01.2024 | 20:40
Թուրքիան, Ռումինիան և Բուլղարիան համաձայնագիր են ստորագրել ուկրաինական պատերազմի հետևանքով Սև ծովը լողացող ականներից մաքրելու համատեղ ծրագրի մասին՝ ՆԱՏՕ-ի դաշնակիցների միջև ամիսներ շարունակվող բանակցություններից հետո, գրում է Duvar-ը։
Թուրքիայի պաշտպանության նախարար Յաշար Գյուլերը, Ռումինիայի ՊՆ ղեկավար Անգել Թիլվարը, Բուլղարիայի ՊՆ փոխնախարար Աթանաս Զապրյանովը Ստամբուլում ստորագրել են փոխըմբռնման հուշագիրը։
«Պատերազմի մեկնարկի հետ Սև ծովում լողացող ականների վտանգ է առաջացել: Դրա դեմ պայքարելու համար մենք պայմանավորվել ենք ստեղծել Սևծովյան ականների հակազդման աշխատանքային խումբ»,- ասել է Գյուլերը ստորագրման արարողության ժամանակ։
Նշվում է, որ յուրաքանչյուր երկրից ականազերծող երեք նավ ու մեկ վերահսկող նավ է մասնակցելու։
Գյուլերն ասել է, որ երեք երկրների ռազմածովային ուժերի հրամանատարները կձևավորեն կոմիտե՝ գործողությունն իրականացնելու համար և նշել, որ այն կարող է ներառել նաև այլ սևծովյան պետություններ Ուկրաինայի պատերազմի ավարտից հետո։
Սևծովյան երեք երկրների պաշտպանության նախարարները բանակցություններ էին վարել ականազերծման ծրագրի վերաբերյալ ՆԱՏՕ-ի հանդիպման ժամանակ Բրյուսելում անցյալ տարվա հոկտեմբերին, նաև նոյեմբերին՝ Անկարայում, երբ աշխատում էին նախաձեռնությունը վերջնական տեսքի բերելու համար:
Էմմա Չոբանյան
