15.09.2026 | 18:42
Վահան Բիչախչյանը մոտ է խաղադաշտ վերադառնալուն
Խարկովի հյուրանոցներից մեկին ռուսական հրթիռային հարվածից թուրքական «Անադոլու»-ի լրագրողներ են տուժել
Քաղաքականություն
11.01.2024 | 16:14
Ռուսաստանը երեկ երեկոյան հարձակում է իրականացրել Խարկովի վրա, որի ընթացքում մեկ հրթիռ խոցել է քաղաքի հյուրանոցներից մեկը։ Այս մասին տելեգրամում հայտնել է Խարկովի շրջանային վարչակազմի ղեկավար Օլեգ Սինեգուբովը՝ պարզաբանելով, որ նախնական տվյալներով՝ C-300 հրթիռներ են օգտագործվել, փոխանցում է DW-ի ռուսական ծառայությունը։
«Հրթիռակոծության հետևանքով տուժել է հյուրանոցային համալիրի շենքը, որտեղ հարվածի պահին գտնվել է ավելի քան 30 խաղաղ բնակիչ, հրդեհվել են նաև մի քանի մեքենաներ»,- ասել է նա։
Սինեգուբովի խոսքով՝ հայտնի է 11 վիրավորի մասին, որոնցից ինը տեղափոխվել են բուժհաստատություններ։
Խարկովի քաղաքապետ Իգոր Տերեխովն էլ հայտնել է, որ ռուս զինվորականները երկու հրթիռով հարվածել են քաղաքի կենտրոնում գտնվող հյուրանոցին։ Տուժածների թվում, ըստ Տերեխովի, կան թուրքական լրատվամիջոցի լրագրողներ՝ Թուրքիայի և Վրաստանի քաղաքացիներ։
«Անադոլու» գործակալությունն էլ հայտնում է, որ խոսքն իր լրագրողների մասին է։ Հաղորդվում է, որ գործակալության թղթակից Դավիթ Կաչկաչիշվիլին և ֆոտոլրագրող Օզգե Էլիֆ Քըզըլին հաջողվել է լքել հյուրանոցի շենքը։ Միջադեպի հետևանքով Կաչկաչիշվիլին ձեռքի շրջանում կտրվածքներ է ստացել։ Նշվում է, որ նրանց վիճակը բավարար է, սակայն շտապ օգնության մեքենայով տեղափոխվել են հիվանդանոց՝ ստուգումների։
Էմմա Չոբանյան
