Քաղաքականություն
11.01.2024 | 12:46
Սպիտակ տունը պաշտպանում է օրինագիծը, որը թույլ կտա սառեցված ռուսական ակտիվները փոխանցել Ուկրաինային որպես օգնություն։ Այս մասին հաղորդում է Bloomberg-ը՝ վկայակոչելով ԱՄՆ Ազգային անվտանգության խորհրդի նոյեմբերյան հուշագիրը՝ ուղղված Սենատի արտաքին հարաբերությունների հանձնաժողովին, Կոնգրեսի ու նախագահ Ջո Բայդենի վարչակազմի զրուցակիցներին։
«Օրինագիծը գործադիր իշխանությանը կտրամադրի Ռուսաստանի ինքնիշխան ակտիվները Ուկրաինայի շահերից ելնելով բռնագրավելու համար անհրաժեշտ լիազորություններ»,- ասվում է փաստաթղթում։
Նման միջոցի կիրառման քննարկում նախատեսվում է G7-ի գագաթնաժողովում։ ԱՄՆ Կոնգրեսը կարծում է, որ միջոցը կարող է ընդունվել որպես լրացուցիչ ֆինանսական օգնություն Ուկրաինային, սակայն օրինագիծը պետք է համաձայնեցվի Սենատի հանձնաժողովի և Ներկայացուցիչների պալատի ղեկավարների կողմից։
