02.11.2024 | 10:58
Ձորաղբյուրում բախվել են «Opel» և «Moskvich» մակնիշի մեքենաներ․ կա մեկ զոհ և մեկ տուժած
Նավալնին երկարատև դադարից հետո տեսակապի է դուրս եկել
Քաղաքականություն
11.01.2024 | 12:04
Ռուս ընդդիմադիր քաղաքական գործիչ Ալեքսեյ Նավալնին երկարատև դադարից հետո առաջին անգամ տեսակապով կապի է դուրս եկել Յամալի քրեակատարողական հիմնարկից՝ դատական նիստին մասնակցելու համար։ Հայցի շրջանակներում դիտարկվել է Նավալնիի հայցն ընդդեմ Վլադիմիրի շրջանի քրեակատարողական հիմնարկի, որտեղ նա պահվում էր մինչև վերջերս։ Դեկտեմբերի սկզբից ի վեր, երբ նրան տեղափոխեցին բևեռային շրջագծից հյուսիս գտնվող գաղութ, Նավալնին առաջին անգամ է երևում հանրության առաջ, գրում է BBC-ի ռուսական ծառայությունը։
«Ձերդ գերազանցություն, արցունք է հոսում իմ այտով, ես այդքան ուրախ եմ ձեզ բոլորիդ տեսնելու համար։ Ինձ հարազատ Կովրովի դատարան, իմ հարազատ ամբաստանյալներ, հարգելի պաշտպաններ և հարգելի քարտուղար, շատ ուրախ եմ ձեզ տեսնելու համար»,- հանդիպման սկզբում ասել է Նավալնին։
Անցյալ օգոստոսին Մոսկվայի քաղաքային դատարանը Նավալնիին 19 տարվա ազատազրկման էր դատապարտել «ծայրահեղականության գործով»։ Որոշվել էր նրան տեղափոխել հատուկ ռեժիմի գաղութ: Դեկտեմբերի ընթացքում Նավալնին դադարել էր կապի դուրս գալ, իսկ դատարանում նրա հայցերի քննարկումը կասեցվել էր մինչև նրա գտնվելու վայրի «հաստատումը», ինչի պատճառով նրա մերձավորները սկսել էին ահազանգել։ Երեք շաբաթ անց հայտնի դարձավ Նավալնիի գտնվելու վայրը. նրան տեղափոխել էին «Բևեռային գայլեր» գաղութ, որը գտնվում է բևեռային շրջագծից հյուսիս՝ Յամալի Խարպ գյուղում:
