24.06.2026 | 18:10
ՀԱՊԿ-ում կքննարկեն Հայաստանին հեռացնելու հարցը // Սեդա Սաֆարյանը կմասնակցի ՍԴ նիստին․ ԼՈՒՐԵՐ
Արգենտինան հայտարարել է Էկվադոր անվտանգության ուժեր ուղարկելու պատրաստակամության մասին
Քաղաքականություն
10.01.2024 | 14:09
Արգենտինան պատրաստ է անվտանգության ուժեր ուղարկել Էկվադոր՝ օգնելու երկրի իշխանություններին հանցավոր իրավիճակի վատթարացման և ներքին զինված հակամարտություն հայտարարելու ֆոնին։ TN հեռուստաալիքին տված հարցազրույցում այս մասին ասել է Արգենտինայի անվտանգության նախարարության ղեկավար Պատրիսիա Բուլրիչը, փոխանցում է ՌԻԱ Նովոստին։
«Մենք պատրաստ ենք օգնել նրանց, անհրաժեշտության դեպքում՝ ուղարկել անվտանգության անձնակազմ»,- ասել է Բուլրիչը:
Ըստ նրա՝ այն, ինչ կատարվում է Էկվադորում, խնդիր է ամբողջ մայրցամաքի համար։ Նա ընդգծել է, որ տարածաշրջանի այլ երկրներում տեղի ունեցող իրադարձություններն ազդում են Արգենտինայի վրա։
Բանտային անկարգություններից և խոշոր հանցախմբերի առաջնորդների փախուստից հետո Էկվադորի նախագահ Դանիել Նոբոան 60-օրյա արտակարգ դրություն է հայտարարել՝ քրեակատարողական համակարգի նկատմամբ վերահսկողությունը վերականգնելու համար զինված ուժերն օգտագործելու նպատակով:
