12.08.2026 | 21:00
Քրեական գործեր եղել են և կլինեն հետագայում․Հակոբյանը՝ ընդդիմությանը ճնշելու հարցին ի պատասխան. ՏԵՍԱՆՅՈՒԹ
«Ոչ բարեկամական» երկրներում գտնվող ռուսներին թույլ չեն տա քվեարկել ՌԴ նախագահական ընտրություններին
Քաղաքականություն
09.01.2024 | 15:46
ՌԴ իշխանությունները պատրաստվում են չեղարկել առաջիկա նախագահական ընտրությունների քվեարկությունը «ոչ բարեկամական» երկրներում տեղակայված ռուսական հյուպատոսարաններում, «Վեդոմոստի»-ին հայտնել է դիվանագիտական շրջանակների աղբյուրը։
Նա պարզաբանել է, որ խոսքը, հնարավոր է, ոչ բոլոր երկրների մասին է, որոնք ընդգրկված են 49 պետությունների համապատասխան կառավարական ցուցակում, այլ դրանց մի զգալի մասի։ Սակայն վերջնական որոշում դեռ չկա, իշխանությունները շարունակում են խորհրդակցությունները, որոնք պետք է ավարտվեն հունվարին, հավելել է ԱԳՆ-ին մոտ կանգնած աղբյուրը։
Կառավարության պաշտոնյաները հյուպատոսություններում ընտրատեղամասերի բացման հնարավոր մերժումը բացատրում են ընտրողների անվտանգության նկատառումներով, ինչպես նաև հյուպատոսական աշխատողների թվի նվազումով:
Արտերկրում ընտրատեղամասերի ձևավորման վերջնաժամկետը հունվարի 24-ն է, հիշեցրել է Կենտրոնական ընտրական հանձնաժողովի (ԿԸՀ) անդամ Պավել Անդրեևը, որը պատասխանատու է միջազգային համագործակցության համար։ Սակայն հանձնաժողովը բացառիկ իրավունք ունի քվեարկության օրվանից մինչև 5 օր առաջ բացել ընտրատեղամասերը, պարզաբանել է նա։
