12.08.2026 | 21:00
Քրեական գործեր եղել են և կլինեն հետագայում․Հակոբյանը՝ ընդդիմությանը ճնշելու հարցին ի պատասխան. ՏԵՍԱՆՅՈՒԹ
2024 թվականը կարող է դառնալ դիտարկումների պատմության ընթացքում ամենաշոգը
Քաղաքականություն
09.01.2024 | 16:49
Գիտնականները ենթադրում են, որ 2024 թվականը կարող է գերազանցել 2023 թվականի ռեկորդը և դառնալ ռեկորդային ամենաշոգ տարին, գրում է Bloomberg-ը։
Նախաարդյունաբերական շրջանի համեմատ՝ մոլորակի միջին ջերմաստիճանը կբարձրանա 1,3-1,6 աստիճանով։
Գլոբալ ջերմաստիճանի վրա կշարունակի ազդել Էլ Նինյո բնական երևույթը, որը կապված է Խաղաղ օվկիանոսի հասարակածային ջրի մակերեսային շերտի ջերմաստիճանի տատանումների հետ։
ԱՄՆ Օվկիանոսների և մթնոլորտի ազգային վարչության ավագ գիտնական Մայքլ Մաքֆադենի խոսքով՝ Խաղաղ օվկիանոսում ջրի տաքացման և մոլորակի մակերևույթի ջերմաստիճանի բարձրացման միջև ուշացում կա: Այդ պատճառով Էլ Նինյոյի ազդեցության տակ անցած երկրորդ տարին ավելի շոգ է, քան նախորդը։
Մարդու գործունեությունն ազդում է Երկրի ջերմաստիճանի վրա: Մասնավորապես, վառելիքի այրումը մեծացնում է ջերմոցային գազերի ծավալը։ Մոլորակի բարձր ջերմաստիճանը փոխում է նորմալ կլիման և հանգեցնում երաշտի, ջրհեղեղների, անտառային հրդեհների ու փոթորիկների։
2023 թվականը դարձել է ուսումնասիրությունների գրանցումների պահից ի վեր ամենատաք տարին։ Մասնավորապես, ջերմաստիճանի ռեկորդները գերազանցվել են հունիսին, հուլիսին, օգոստոսին, սեպտեմբերին, հոկտեմբերին և նոյեմբերին։
Նախաարդյունաբերական շրջանի համեմատ՝ 2023 թվականին Երկրի ջերմաստիճանն աճել է մոտ 1,4 աստիճանով։ 2024 թվականին, գիտնականների կանխատեսմամբ, այդ ցուցանիշը կկազմի 1,3-1,6 աստիճան։
