19.05.2026 | 13:37
70 մլն դրամ փոխառություն, 2 առանձնատուն․ ինչ է հայտարարագրել ԴՕԿ-ի առաջին համարը
Արմեն Գևորգյանին մեղադրանք է առաջադրվել. նրան մինչև 6 տարի ազատազրկում է սպառնում
Հասարակություն
03.08.2018 | 23:24
Հանրային հեռուստաընկերության «Օրակարգից դուրս» հաղորդման հյուր, Հատուկ քննչական ծառայության պետ Սասուն Խաչատրյանը հայտարարեց, որ ՀՀ նախագահի աշխատակազմի նախկին ղեկավար Արմեն Գևորգյանին մեղադրանք է առաջադրվել:
ՀՔԾ ղեկավարը նշեց, որ տարիներ առաջ «Վիկիլիքսի» կողմից հրապարակումներ են եղել առ այն, որ 2008 թ.-ի ընտրությունների արդյունքների հետ կապված Սահմանադրական դատարանի որոշման վրա ճնշումներ են գործադրվել:
Արմեն Գևորգյանը մեղադրվում է «ՀՀ Քրեական օրենսգրքի»՝ արդարադատության իրականացմանը խոչընդոտելու համար քրեական պատասխանատվություն նախատեսող 332 հոդվածի 3-րդ մասով:
Սասուն Խաչատրյանը նշեց, որ ծանր այս հանցանքը մինչև 6 տարի ազատազրկում է նախատեսում: Իսկ խափանման միջոց է ընտրվել ստորագրություն չհեռանալու մասին:
