25.06.2026 | 23:10
Նախագահը ստորագրել է վարորդականներից զրկվածներին վերաբերող օրենքը
Բայդենը կարող է չմասնակցել նախագահական մրցավազքին․ Business Insider
Քաղաքականություն
08.01.2024 | 16:36
ԱՄՆ նախագահ Ջո Բայդենի անունը կարող է նոյեմբերին նախատեսված ընտրություններում ընտրական քվեաթերթիկներում չլինել։ Այս մասին հայտարարել է JP Morgan Asset Management-ի ստրատեգ Մայքլ Ջեմբալեսթը, գրում է Business Insider-ը:
Ջեմբալեսթը կանխատեսել է, որ Բայդենը կարող է ընտրապայքարից դուր գալ «սուպեր երեքշաբթիից մինչև նոյեմբերի ընտրությունների միջև ընկած ժամանակահատվածում՝ պատճառաբանելով առողջական խնդիրները»։
«Սուպեր երեքշաբթին» նշանակված է մարտի 5-ին, որի ընթացքում 16 նահանգներ և տարածքներ այդ օրը կանցկացնեն փրայմերիզը։ Նշվում է, որ Բայդենին այնուհետև կփոխարինի «դեմոկրատական ազգային կոմիտեի կողմից նշանակված թեկնածուն»։
JPMorgan-ի շուկայական և ներդրումային ռազմավարության բաժնի նախագահ Ջեմբալեսթն այս կանխատեսումն արել է «2024 թվականի տասը հնարավոր անակնկալների» իր ցուցակում, որը հրապարակվել է JPMorgan Asset Management’s ամսագրում:
Նշվում է, որ Բայդենի ցածր վարկանիշի և տարիքի հետ կապված մտահոգությունները խոչընդոտներ են ստեղծում նրա քարոզարշավի համար:
Վերջին հարցումների համաձայն՝ 2024 թվականը Բայդենի և նախկին նախագահ Թրամփի միջև լարված ռևանշի տարի է լինելու։
Էմմա Չոբանյան
