24.02.2026 | 23:39
Հայաստանի մի շարք հասցեներում էլեկտրաէներգիայի անջատումներ կլինեն
Ճապոնիայում երկրաշարժի հետևանքով մարդկային կորուստների թիվը հասել է 168-ի
Քաղաքականություն
08.01.2024 | 13:05
Ճապոնիայում տեղի ունեցած հզոր երկրաշարժի հետևանքով զոհերի թիվը հասել է 168-ի, հայտնում է ՌԻԱ Նովոստին՝ հղում անելով տեղական Kiodo գործակալությանը։ 323 մարդ անհետ կորած է համարվում։ Վաջիմա և Սուզու քաղաքներում ավերածությունների մասշտաբը դեռևս լիարժեք չի գնահատվել, քանի որ վնասված ճանապարհների պատճառով փրկարարներն ու տեղական իշխանությունները չեն կարողանում հասնել մի շարք շրջաններ։
Աղետի գոտում իրավիճակն ավելի է սրվում ձյան և ցուրտ եղանակի պատճառով․ հազարավոր տնային տնտեսություններ դեռևս մնում են առանց էլեկտրաէներգիայի և ջրի: Ձյան տեղումները դանդաղեցնում են ճանապարհների վերականգնման աշխատանքները։ Փրկարարները մտավախություն ունեն, որ ձյունը նաև կարող է հանգեցնել կիսավեր շինությունների ամբողջական փլուզման։
