24.06.2026 | 14:48
Ղալիբաֆը Բաքվում հայտարարել է՝ Մերձավոր Արևելքի պատերազմի ավարտի գործարքը «ԱՄՆ պարտության հռչակագիրն» է
Ռուսաստանը «Կինժալ» հրթիռներ է արձակել Ուկրաինայի ուղղությամբ
Քաղաքականություն
08.01.2024 | 11:32
ՌԴ բանակը Ուկրաինայի վրա հարձակում է գործել«Կինժալ» գերարարագ հրթիռներով և այլ զինատեսակներով, գրում է DW-ի ռուսական ծառայությունը։ Ուկրաինայի ողջ տարածքում օդային տագնապ է հայտարարվել։ Ուկրաինայի ռազմաօդային ուժերը հայտնել են ռուսական ռազմավարական ռմբակոծիչների կողմից հրթիռների արձակման մասին։ 11 Ту-95МС և 4 Миг-31К ռազմավարական ռմբակոծիչներ օդ են բարձրացել Նիժնի Նովգորոդի և Մուրմանսկի շրջանների օդանավակայաններից։ Հրթիռների արձակումներ են գրանցվել նաև Կասպից ծովի տարածքից։ Հաղորդվում է ուկրաինական մի շարք քաղաքներում պայթյունների մասին։ Խարկովի ղեկավար Օլեգ Սինեգուբովը հայտարարել է, որ ռուսներն առնվազն 4 հարված են հասցրել։
«Զինատեսակը պարզվում է, այս պահի դրությամբ զոհեր և վիրավորներ չկան»,- գրել է նա տելեգրամյան ալիքում։ Պայթյուններ են եղել նաև Դնեպրում, Կրիվոյ Ռոգում, Զապորոժիեում։ Տեղեկություններ են տարածվում Կրիվոյ Ռոգում առևտրի կենտրոնում բռնկված հրդեհի, իսկ Զապորոժիեում՝ վիրավորների մասին․ ըստ նախնական տեղեկությունների՝ հրթիռները բնակելի շրջանների են հարվածել։ Ուկրաինական լրատվամիջոցները հայտնում են Խմելնիցկիի շրջանում հակաօդային պաշտպանության աշխատանքի մասին։
