15.12.2025 | 16:17
Զելենսկին չի բացառել ՆԱՏՕ-ին անդամակցելուց հրաժարվելու հնարավորությունը, եթե Կիևն անվտանգության երաշխիքներ ստանա
ՌԴ-ն Ուկրաինային հարվածելու համար արդեն օգտագործել է Հյուսիսային Կորեայից ստացած բալիստիկ հրթիռները․ Սպիտակ տուն
Քաղաքականություն
05.01.2024 | 12:55
Հյուսիսային Կորեան վերջերս Ռուսաստանին բալիստիկ հրթիռների արձակման կայաններ և մի քանի հրթիռներ է մատակարարել, և ռուսական զորքերն արդեն դրանք արձակել են Ուկրաինայի ուղղությամբ: Այս մասին հայտարարել է ԱՄՆ Ազգային անվտանգության խորհրդի ռազմավարական հաղորդակցությունների համակարգող Ջոն Քիրբին՝ հավելելով, որ ԱՄՆ-ն այդ հարցը կբարձրացնի ՄԱԿ-ի Անվտանգության խորհրդում, գրում է BBC-ի ռուսական ծառայությունը:
Ըստ նրա՝ վերջին օրերին «ռուսական ուժերը հյուսիսկորեական բալիստիկ հրթիռներից առնվազն մեկն արձակել են Ուկրաինայի ուղղությամբ», որը, ըստ երևույթին, ընկել է բաց տարածքում:
«Սա էական և անհանգստացնող էսկալացիա է Հյուսիսային Կորեայի կողմից Ռուսաստանին աջակցության առումով»,- ասել է Քիրբին:
Նա նշել է, որ Իրանը Ռուսաստանին փոքր հեռահարության բալիստիկ հրթիռներ չի մատակարարել, սակայն Վաշինգտոնը կարծում է, որ Մոսկվան մտադիր է հրթիռային համակարգեր գնել Թեհրանից:
Մեծ Բրիտանիան հայտարարել է, որ դատապարտում է Ուկրաինայի դեմ վերջին հարձակումների ժամանակ Հյուսիսային Կորեայից գնված բալիստիկ հրթիռներ օգտագործելու՝ Ռուսաստանի որոշումը:
«Մենք Հյուսիսային Կորեային կոչ ենք անում դադարեցնել զենքի մատակարարումը Ռուսաստանին», – ասվում է Մեծ Բրիտանիայի ԱԳՆ ներկայացուցչի հայտարարության մեջ:
