23.02.2026 | 11:44
Ամսական 42 միլիոն դրամ է մտնում Երևանի բյուջե՝ ավտոմատ ինքնասպասարկող սարքերից․ քաղաքապետ․ ՏԵՍԱՆՅՈՒԹ
Անհայտ անձը դանակահարել է Հարավային Կորեայի ընդդիմության առաջնորդին
Քաղաքականություն
02.01.2024 | 12:47
Հարավային Կորեայի ընդդիմադիր «Տոբուրո» դեմոկրատական կուսակցության նախագահ Լի Չժե Մյունը հունվարի 2-ին հրապարակային միջոցառման ժամանակ հարձակման է ենթարկվել, գրում է DW-ի ռուսական ծառայությունը։
Լին պատասխանել է լրագրողների հարցերին Պուսանում նոր օդանավակայանի շինհրապարակ այցելելուց հետո։
Ստորագրության համար նրան մոտեցած 50-60 տարեկան տղամարդը հանկարծ հարձակվել և դանակով հարվածել է նրա պարանոցին։
Միջադեպի ժամանակ արված լուսանկարներում երևում է, որ հարավկորեական ընդդիմության առաջնորդը պառկած է գետնին փակ աչքերով, իսկ մարդիկ հավաքված են նրա շուրջը՝ շարֆը պարանոցին բռնած: Առաջին բուժօգնություն ցուցաբերելուց հետո նրան շտապ տեղափոխել են հիվանդանոց։
Հարձակվողը տեղում ձերբակալվել է։
Հարավային Կորեայի նախագահ Յույն Սոկ Յելը հանձնարարել է շուտափույթ հետաքննություն իրականացնել և աջակցություն է հայտնել Լիին։
Էմմա Չոբանյան
