22.11.2024 | 11:46
Երևանի մի շարք փողոցներում կտեղադրվեն ռետինե կանգնակներ
Փարիզն ադրբեջանցի երկու դիվանագետի «անցանկալի անձ» է հայտարարել
Քաղաքականություն
28.12.2023 | 11:14
Ֆրանսիան ի գիտություն է ընդունում Ադրբեջանի կողմից ընդունված որոշումը Ադրբեջանում Ֆրանսիայի դեսպանատան դիվանագիտական անձնակազմի երկու անդամներին «պերսոնա նոն գրատա» (անցանկալի անձ) հայտարարելու վերաբերյալ․ այս մասին հայտարարություն է տարածել Ֆրանսիայի ԱԳՆ-ն։
«Կտրականապես հերքում ենք Ադրբեջանի կողմից իր որոշումը հիմնավորելու համար ներկայացված պնդումները։ Փոխադարձաբար Ֆրանսիան «պերսոնա նոն գրատա» է հայտարարել Ֆրանսիայում Ադրբեջանի դեսպանատան երկու աշխատակիցների»,- ասված է Ֆրանսիայի արտաքին քաղաքական գերատեսչության հայտարարության մեջ՝ նշելով, որ Ֆրանսիայում Ադրբեջանի դեսպանը կանչվել է ԱԳՆ՝ մանրամասներին տեղեկանալու համար։
Հիշեցնենք, որ Բաքուն Ֆրանսիայի դեսպանատան երկու աշխատակցի անցանկալի անձ էր հայտարարել ու նրանց 48 ժամ էր տրվել երկիրը լքելու համար։ Դեկտեմբերի 26-ին Ադրբեջանում Ֆրանսիայի դեսպան Անն Բույոնը կանչվել էր Արտաքին գործերի նախարարություն։ Նշենք, որ Բաքուն վերջին օրերին ակտիվացրել է հակաֆրանսիական արշավը։
