07.10.2026 | 13:05
Կառուցապատողներին հիշեցրել են՝ գնման իրավունքի պայմանագրերում սպառողների իրավունքները խախտող պայմաններ չեն կարող լինել
Տեսանյութ. Ամերիաբանկն ամփոփել է արցախցիների աջակցության ծրագիրը
26.12.2023 | 15:42
Ամերիաբանկն ամփոփել է Արցախից տեղահանված և Շիրակի մարզի վեց համայնքներում ապաստանած ընտանիքների աջակցության ծրագիրը, որի նպատակը նրանց առաջնային կարիքները հոգալն էր: Այս մասին տեղեկանում ենք Ամերիաբանկի ֆեյսբուքյան էջում արված հրապարակումից.
«Դեռ ամիսներ առաջ մենք ասացինք` «Սիրելի՛ արցախցիներ, պեˊնդ կացիք, մունք ծըզնըհետնք»։ Եվ այսպես սկիզբ առավ հոգատարության շղթան, որի շուրջ համախմբվեցին Ամերիա թիմն ու մեր 10-ից ավելի գործընկերները: Մենք այցելել ենք արցախցի 181 ընտանիքի, հուզվել, ժպտացել, զրուցել, լսել, ջերմացել նրանց հետ յուրաքանչյուր հանդիպումից և փոխանցել, որ մենք նրանց կողքին ենք»:
Ծրագրում ներառվել են միակողմանի / երկկողմանի ծնողազուրկ երեխաներ ունեցող ու 3 և ավելի անչափահաս երեխաներ ունեցող ընտանիքները, որոնց ընդհանուր առմամբ տրամադրվել է ավելի քան 100 մլն ՀՀ դրամի աջակցություն:
«Շնորհակալություն մեր բոլոր գործընկերներին հոգատարության շղթան տարածելու, մեր գաղափարի շուրջ համախմբվելու և արցախցի մեր հայրենակիցների կողքին լինելու համար»,- ասված է հրապարակման մեջ:
Մանրամասները` տեսանյութում:
