07.10.2026 | 14:11
Վենսը հայտարարել է, որ պատերազմին վերջ տալու համար Իրանը պետք է կրճատի ուրանի հարստացումը
Պետերբուրգում մեկնարկել է ԱՊՀ երկրների ղեկավարների ոչ պաշտոնական գագաթնաժողովը
Քաղաքականություն
26.12.2023 | 14:36
Սանկտ Պետերբուրգում մեկնարկել է ԱՊՀ երկրների ղեկավարների ոչ պաշտոնական հանդիպումը, փոխանցում է ՏԱՍՍ-ը։ ՌԴ նախագահ Վլադիմիր Պուտինը գործընկերներին Ադրբեջանից, Հայաստանից, Բելառուսից, Ղազախստանից, Ղրղզստանից, Տաջիկստանից, Թուրքմենստանից և Ուզբեկստանից հրավիրել է շփումը սկսել ոչ թե բանակցությունների սեղանի շուրջ, այլ Պետերբուրգի պալատական զբոսայգու համալիրներով շրջայցով։
Նշվում է, որ երկրների ղեկավարները ժամանել են Պավլովսկի թանգարան-արգելոց, ապա նրանց սպասել են Ցարսկոյե Սելոյում և Պետերգոֆում։
Պավլովսկում բոլոր հյուրերին՝ բացի Ադրբեջանի և Բելառուսի նախագահներից, որոնք այդ ժամանակ երկկողմ հանդիպում են անցկացրել, երգչախումբը դիմավորել է Սուրբ Ծննդյան երգերով։
Հաղորդվում է, որ պալատում շրջայցից հետո դահլիճներից մեկում նախագահների համար տրվել է փոքրիկ համերգ՝ «Հյուսիսային սիմֆոնիկ» նվագախմբի կողմից և նրա մենակատարները՝ թավջութակահար Սերգեյ Ռոլդուգինը և ջութակահար Պավել Միլյուկովը, կատարել են մի քանի դասական վալսեր և ռոմանսներ։ Մինի համերգը վարել է Միջազգային մշակութային համագործակցության հարցերով ՌԴ նախագահի հատուկ ներկայացուցիչ Միխայիլ Շվիդկոյը։
ՌԻԱ Նովոստին հրապարակել է նաև հանդիպումից լուսանկարներ։
Հավելենք, որ ոչ պաշտոնական հանդիպմանը մասնակցում է նաև ՀՀ վարչապետ Նիկոլ Փաշինյանը։
Էմմա Չոբանյան
