05.06.2026 | 15:25
Դիմում ենք ԿԸՀ՝ «Ուժեղ Հայաստանի» մասնակցությունը կասեցնելու հարցով․ կպահանջենք դիմել դատարան․ Անահիտ Ադամյան. ՏԵՍԱՆՅՈՒԹ
Առաջարկվում է պետական մարմինների և ՏԻՄ-երի, իրավաբանական անձանց և անհատ ձեռնարկատերերի միջև հարաբերություններում թղթային ծանուցումներից անցում կատարել էլեկտրոնային ծանուցումներին
Քաղաքականություն
22.12.2023 | 20:17
Առաջարկվում է պետական և տեղական ինքնակառավարման մարմինների, իրավաբանական անձանց եւ անհատ ձեռնարկատերերի միջեւ հարաբերություններում թղթային ծանուցումներից անցում կատարել էլեկտրոնային ծանուցումներին: ԱԺ մամուլի ծառայությունից տեղեկացնում են, որ նախատեսվում է, որ էլեկտրոնային ծանուցումներն իրականացվելու են Պետական եկամուտների կոմիտեի էլեկտրոնային կառավարման հարթակով, որով արդեն իսկ ՊԵԿ-ն իրավաբանական անձանց եւ անհատ ձեռնարկատերերի հետ էլեկտրոնային շփումներ է իրականացնում, եւ բոլոր իրավաբանական անձինք եւ անհատ ձեռնարկատերերն այդ հարթակի օգտատերեր են, ունեն «Անձնական գրասենյակ»: Այս մասին ասել է ՀՀ արդարադատության նախարարի տեղակալ Արա Մկրտչյանը:
Դեկտեմբերի 22-ի արտահերթ նստաշրջանում խորհրդարանն առաջին ընթերցմամբ քննարկել եւ ընդունել է ««Ինտերնետով հրապարակային եւ անհատական ծանուցման մասին» օրենքում լրացում կատարելու մասին» օրենքի նախագիծը՝ կից օրենսդրական փաթեթով:
Փաթեթով սահմանվում է, որ բոլոր պետական եւ ՏԻՄ-երն իրենց վարչարարություններում եւ հանրային գործառույթներն իրականացնելիս իրավաբանական անձանց եւ անհատ ձեռնարկատերերին տեղեկությունները ծանուցելու են էլեկտրոնային եղանակով:
