02.11.2024 | 13:33
Հրդեհ Աքորի գյուղում, այրվել է տան տանիք
Հրաձգություն Պրահայի համալսարաններից մեկում․ մարդկային կորուստներ կան
Քաղաքականություն
21.12.2023 | 20:02
Չեխիայի ոստիկանությունը հայտնում է, որ Պրահայի կենտրոնում հրաձգություն է տեղի ունեցել, որի հետևանքով կան զոհեր և վիրավորներ: Այս մասին տեղեկացնում է Euronews-ը։
Ըստ տեղեկությունների՝ միջադեպը տեղի է ունեցել Յան Պալախի հրապարակում՝ Կառլի համալսարանի փիլիսոփայության ֆակուլտետում։ Նախապես տեղեկություններ էին հրապարակվել, որ կրակոցները հնչել են նույն հրապարակում գտնվող դպրոցում։
Դեպքի վայր ժամանած Չեխիայի ներքին գործերի նախարար Վիտ Ռաուշանը Չեխիայի հանրային հեռուստատեսությանը հայտնել է, որ հրաձիգը մահացել է:
Ոստիկանությունից հայտնել են, որ Յան Պալախի հրապարակը շրջափակված է։ Իրավապահները նաև կոչ են արել մարդկանց լքել հարակից փողոցները:
Պրահայի փրկարար ծառայության ներկայացուցիչ Յանա Պեստովան հաստատել է, որ բազմաթիվ մարդիկ վիրավորվել են, սակայն այլ մանրամասներ չի հայտնել:
Vyzýváme občany, aby se v blízkém okolí nezdržovali a nevycházeli z domu. Zásah policie stále pokračuje. pic.twitter.com/OHnSsq4G5f
— Policie ČR (@PolicieCZ) December 21, 2023
