16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
ՌԴ-ում ինֆեկցիայի պատճառով գնացքից իջեցրել են 125 երեխայի․ նրանցից մեկը մահացել է, 38 երեխայի վիճակը ծանր է
Քաղաքականություն
21.12.2023 | 13:33
Սարատովի մարզում Տյումեն-Ադլեր գնացքից իջեցվել են 125 երեխաներից բաղկացած խմբի՝ մեծահասակների ուղեկցությամբ, որոնք վերադառնում էին ճամբարում արձակուրդից։ Նրանք ավտոբուսով ուղարկվել են մարզային ինֆեկցիոն հիվանդանոց՝ հետազոտությունների համար: Telegram ալիքում այս մասին հայտնել է մարզպետ Ռոման Բուսարգինը, գրում է BFM-ը:
Նա պարզաբանել է, որ խմբին գնացքից իջեցնելու պատճառը եղել է երեխաներից մեկի՝ բուժօգնության դիմելու խնդրանքը, որի ջերմությունը բարձրացել է։ Երեխաներին ուղեկցող բժիշկներն ու ժամանած շտապօգնության խումբը տեղում ձեռնարկել են բոլոր անհրաժեշտ միջոցները։
Ռոսպոտրեբնադզորը տեղում շարժական լաբորատորիա է տեղակայել: Բոլոր երեխաները հետազոտվել են բժիշկների կողմից։
Բուսարգինն ընդգծել է, որ ինֆեկցիոն հիվանդանոցը լիովին պատրաստ է ընդունել հիվանդներին։ Իրավիճակը գտնվում է Ռոսպոտրեբնադզորի հատուկ հսկողության տակ։
Baza Telegram-ալիքի հաղորդմամբ՝ անչափահասների խումբը տուն էր վերադառնում Տյումենի մարզում գտնվող օլիմպիական մանկական ճամբարում հանգստից։ Երեխաներն արձակուրդ են եկել Լուգանսկից:
«112» Telegram-ալիքն էլ հայտնում է, որ երեխաների խմբին ուղեկցել են երկու բժիշկ և բուժքույր։ Պենզայի շրջանի Սերդոբսկի կայարանում երեխաներին բուժօգնություն ցուցաբերելուն միացել է ռուսական երկաթուղու բժիշկների խումբը, նշվում է հրապարակման մեջ։
«Այդ պահին չորս հիվանդ պառկել է բարձր ջերմությամբ, ևս երեք տասնյակ երեխաների մոտ մրսածության նշաններ կային։ Սարատովի Բալաշովում շտապօգնության մի քանի թիմեր արդեն սպասում էին խմբին»,- հայտնում է 112-ը։
REN TV-ի տվյալներով՝ գնացքից իջեցված 38 երեխայի մոտ վարակիչ հիվանդության կասկած է եղել։ Նրանցից 29-ի վիճակը միջին ծանրության է, ևս ինը հոգի՝ միջին ծանրության, հայտնում է հեռուստաալիքը։ Միաժամանակ, նույն աղբյուրի համաձայն, Սերդոբսկի կայարանում հանգստացողների խմբից մեկ երեխա մահացել է։
Ըստ 112-ի՝ խոսքը 12-ամյա աղջկա մասին է, ում վիճակը կտրուկ վատացել է, երբ գնացքն անցել է Պենզայի շրջանով։ Նա կորցրել է գիտակցությունը և մահացել։ Երեխաներին ուղեկցող բժիշկները փորձել են օգնել աշակերտուհուն, սակայն ապարդյուն։
Քննչական կոմիտեն և դատախազությունը հետաքննում են իրավիճակը։
