02.11.2024 | 10:58
Ձորաղբյուրում բախվել են «Opel» և «Moskvich» մակնիշի մեքենաներ․ կա մեկ զոհ և մեկ տուժած
Անօդաչուների գիշերային հարձակում Ուկրաինայի վրա. ԶՈՒ-ն հայտնել է 35 ԱԹՍ-ներից 34-ը խոցելու մասին
Քաղաքականություն
21.12.2023 | 15:50
Չորեքշաբթի լույս հինգշաբթի գիշերը Ռուսաստանը 35 «Շահեդ» տիպի հարվածային անօդաչու սարքերով հարձակվել է Ուկրաինայի վրա բռնակցված Ղրիմից, Պրիմորսկո-Ախտարսկից և Կուրսկից։ Այս մասին ասվում է Ուկրաինայի Զինված ուժերի ռազմաօդային ուժերի առավոտյան հաղորդագրության մեջ, փոխանցում է BBC-ի ռուսական ծառայությունը։
ՀՕՊ-ը գործել է Կիևի, Դնեպրոպետրովսկի, Վիննիցայի, Չերկասի, Խերսոնի, Զապորոժիեի, Նիկոլաևի, Խմելնիցկիի, Սումիի, Պոլտավայի, Չեռնիգովի և Կիրովոգրադի մարզերում։
Ուկրաինայի ԶՈՒ-ն պնդում է, որ խոցվել է 34 անօդաչու թռչող սարք։
Ուկրաինայի հարավի պաշտպանական ուժերը հայտնել են, որ 13 անօդաչու թռչող սարք են խոցել Միկոլայի շրջանում, երեքը՝ Խերսոնի, երկուսը Վիննիցայի և մեկը՝ Դնեպրոպետրովսկի շրջանում։
«Նիկոլաևսկի թաղամասում խոցված անօդաչու թռչող սարքի բեկորներից վնասվել է գյուղատնտեսական ձեռնարկության պահեստի շենքը։ Փրկարարներն արագ մարել են հրդեհը։ Մարդիկ չեն տուժել»,- ասվում է զինվորականների հաղորդագրության մեջ:
