07.10.2026 | 16:53
«Հայ, թուրք, ադրբեջանցի․ ինչի՞ համար են էդ շահարկումները»․ Նիկոլ Փաշինյան․ ՏԵՍԱՆՅՈՒԹ
Եվրոպայի խորհրդի Կոնգրեսի պատվիրակությունը կայցելի Հայաստան
Քաղաքականություն
18.12.2023 | 17:26
Եվրոպայի խորհրդի տեղական և տարածքային իշխանությունների կոնգրեսի պատվիրակությունը՝ կազմված զեկուցողներ Բերնդ Ֆյորինգերից (Գերմանիա) և Բրիոնի Ռուդկինից (Մեծ Բրիտանիա), դեկտեմբերի 19-ին ճանաչողական այց կկատարի Երևան և Մասիս՝ 2023 թվականի «Մարդասիրական իրավիճակը Ղարաբաղում և հարակից քաղաքներում ու շրջաններում» 7-րդ հռչակագիրը կյանքի կոչելու նպատակով։
Նշվում է, որ նրանց ուղեկցելու է Տեղական ինքնակառավարման եվրոպական խարտիայի անկախ փորձագետների խմբի անդամ, պրոֆեսոր Յենս Ուելքը (Գերմանիա):
Հաղորդվում է, որ զեկուցողները քննարկումներ են անցկացնելու ՀՀ տարածքային կառավարման և ենթակառուցվածքների նախարար Գնել Սանոսյանի ու աշխատանքի և սոցիալական հարցերի նախարար Նարեկ Մկրտչյանի հետ։ Պատվիրակությունը նաև հանդիպելու է Երևանի, Արտաշատի, Գորիսի և Հրազդանի համայնքների ներկայացուցիչների հետ։
Բացի այդ, հանդիպում է անցկացվելու ՄԱԿ-ի փախստականների հարցերով գործակալության (UNHCR) և Հայկական Կարմիր Խաչի ընկերության ներկայացուցիչների հետ։ Կոնգրեսի պատվիրակությունն այցելելու է նաև Մասիս՝ հանդիպելու տեղի ընտրված համայնքային ներկայացուցիչների հետ։
Էմմա Չոբանյան
