«Հարձակվել են» մեր երգչախմբի վրա, կրճատել են հաստիքներ, սա անձնական վենդետա է․ Տիգրան Հեքեքյան․ ՏԵՍԱՆՅՈՒԹ

Լուրեր

21.11.2026 | 18:23
Հայաստանը և Իրանը պայմանավորվել են ընդլայնել համագործակցությունը բարձր տեխնոլոգիաների և նորարարության ոլորտներում
21.11.2026 | 18:02
Փաշինյանն ընդունել է Dell Technologies-ի տարածաշրջանային նախագահին․ քննարկվել են Հայաստանում նոր ներդրումների հնարավորությունները
21.11.2026 | 17:57
Վարչապետը հանդիպում է ունեցել է Խաղաղության Նոբելյան մրցանակակիր Քայլաշ Սաթյարթիի հետ
21.11.2026 | 17:46
ՏԻՄ ընտրությունների նախընտրական փուլում արձանագրվել է 43 միջադեպ և խախտում․ «Անկախ դիտորդ»
21.11.2026 | 17:18
Ինչ եղանակ է սպասվում առաջիկա օրերին
21.11.2026 | 16:54
Ակրոպոլիսի թանգարանում բացվել է հին Հայաստանին նվիրված բացառիկ ցուցահանդես
21.11.2026 | 16:37
Հրդեհ Եղվարդ քաղաքում. հրշեջ-փրկարարները կանխել են հրդեհի տարածումը դեպի հարակից բնակելի տուն
21.11.2026 | 15:35
Վաղը պաշտոնապես կազդարարենք ԹՐԻՓՓ նախագծի մեկնարկը․ Նիկոլ Փաշինյան
21.11.2026 | 15:08
Նոյեմբերի 22-ին և 25-ին Հայաստանում սպասվում են ինտենսիվ տեղումներ և ուժեղ քամի
21.11.2026 | 14:52
ՀՖՖ նախագահի պաշտոնում առաջադրվել է երկու թեկնածու
21.11.2026 | 14:07
Զելենսկի․ Ղրիմի կամուրջը չի պահպանվի, Պուտինը պետք է դա հասկանա, իսկ Ռուսաստանը պետք է զգա, թե ինչ է պատերազմը
21.11.2026 | 13:33
ՀՀ-ԵՄ վիզաների ազատականացման գործընթացն ու սահմանների կառավարման բարեփոխումները քննարկվել են ICMPD-ի փոխտնօրենի հետ
21.11.2026 | 13:06
Բուխարեստի ֆորումում քննարկվել են TRIPP-ն ու Հայաստանի առևտրի դիվերսիֆիկացման հնարավորությունները
21.11.2026 | 12:34
Աբովյանի համայնքային սեփականությանն է վերադարձվել 33 քմ հողատարածք
21.11.2026 | 12:16
NYMEX. Թանկարժեք մետաղների գները նվազել են
Բոլորը

««Հայաստանի փոքրիկ երգիչներ» երգչախումբը երկրորդ անգամ է բախվում գոյատևման պայքարի։ 2019-ին քանդեցին մեր շենքը՝ Արամի 23-ը, մնացինք անտուն, իսկ հիմա «հարձակվել են» երգչախմբի վրա, կրճատեցին հաստիքներ, այդ թվում՝ մեր երկու գլխավոր խմբավարներին, կորցրեցինք կադրեր, որոնց կրթել և դաստիարակել եմ տասնամյակներով։ Իմ խորին համոզմամբ՝ դա անձնական վենդետա է իմ նկատմամբ»,- Factor TV-ի հետ զրույցում ասում է «Հայաստանի փոքրիկ երգիչներ» երգչախմբի գեղարվեստական ղեկավար և դիրիժոր Տիգրան Հեքեքյանը։

Նրա խոսքով՝ ոմն մեկին դուր չի եկել իր արած մի արտահայտություն, բացի այդ՝ պատճառներից մեկն էլ իրենց պայքարն է Արամի 23-ի համար․ «5 տարի է՝ պայքարում ենք, մտածում են՝ ո՞վ են, որ մինչև հիմա պայքարում են, եկե՛ք խեղճացնենք։ Բայց մենք պետք է գնանք մինչև վերջ»։

Տիգրան Հեքեքյանն այն համոզմանն է, որ Հայաստանում այլակարծությունը միշտ ինչ-որ կերպ ճնշվել է, բայց մարդիկ, միևնույն է, արտահայտվել են։ Մինչդեռ հիմա, նրա խոսքով, բավական քչացել են արտահայտվողները։

«Ժողովուրդը հետաքրքիր հոգեվիճակում է․ իշխանության հանդեպ պոռթկուն սերը չկա, իսկ ընդդիմադիրներին ի սկզբանե է մերժել։ Պետք է, որ նոր ուժ ի հայտ գա, բայց հետաքրքիր է, որ շատ խելացի մարդիկ ասում են՝ տեսնենք՝ ում են բերում նոր ուժ։ Մարդիկ հասկացել են, որ քաղաքական հայտ ներկայացնող լուրջ գործիչ դրսից է մեջտեղ բերվում, մեզնից դուրս չի գալիս։ Հիմա բոլորը զայրանում են ժողովրդի վրա, բայց ժողովուրդն ո՞ւմ հետևից գնա, ժողովուրդը խորը ընկճախտի, ապատիայի մեջ է, ժամանակ է պետք, որ նորից վերականգնվի»,- ասում է նա։

Տիգրան Հեքեքյանն անդրադառնում է նաև Ադրբեջանի կողմից 32 հայ գերիների վերադարձին․ «Շատ ուրախ եմ, որ 32 հոգի եկան, բայց նաև մտահոգ եմ, որ էլի գերիներ ունենք։ Գիտեմ նաև, որ որևէ բան հենց այնպես չի տրվում դիմացինին, երբեք որևէ մեկը թշնամուն նվերներ չի անում, եթե աներ՝ մինչև այդ կաներ։ Ալիևը գիտի առևտուր անել, գերիներին պահում է՝ հետագայում սակարկելու համար»։

Դիրիժորը խոսում է նաև Արցախի կորստից հետո մեր հոգեվիճակի մասին․ «Այո՛, ճնշված ենք, բայց երբեք չպետք է հանձնվենք։ Մենք հիմար էինք, որ վերջին երեսուն տարում հավատացել ենք այն ամենին, ինչ մեզ հրամցվել է։ Մենք պատրաստ չէինք պատերազմին, բայց մենք պատրաստ չեղանք նույնիսկ մեր հաղթանակին, մենք մեր անհավանական հաղթանակը մսխեցինք, ապաշնորհ ժողովուրդ դուրս եկանք»։

Մանրամասները՝ տեսանյութում։

Աննա Բաբաջանյան