23.07.2026 | 17:15
Արթուր Սարգսյանը պետք է անհապաղ ազատ արձակվի. նա պատգամավորի անձեռնմխելիություն է ստացել. Վարդևանյան․ ՏԵՍԱՆՅՈՒԹ
Պուտինը՝ նմանակներ ունենալու մասին
Քաղաքականություն
14.12.2023 | 20:07
ՌԴ նախագահ Վլադիմիր Պուտինին մեծ ասուլիսի ընթացքում հարցեր են ուղղել բլոգերները (լսարանից մի երիտասարդի հետաքրքրել է, թե «ինչպես պետք է իրենց պահեն բլոգերները, որպեսզի հարցեր չունենան»), ինչպես նաև ձեռներեցները։ Հարց է հնչել նաև ԱՊՀ-ին Մոլդովայի անդամակցության մասին, ինչին ի պաասխան՝ Պուտինն ասել է, որ դա մեծ արժեք չունի Ռուսաստանի համար։
Հարցեր են եղել արհեստական բանականության վերաբերյալ։ 8-ամյա Արինան հարցրել է՝ արդյո՞ք ինքը պետք է վախենա ռոբոտներից, և արդյո՞ք նրանք կարող են փոխարինել իրեն, տատիկին և մորը։
«Ոչ ոք չի կարող փոխարինել տատիկին»,- վստահեցրել է Պուտինը։
Նա, սակայն, կարծիք է հայտնել, որ արհեստական բանականության զարգացումը հնարավոր չէ դանդաղեցնել։
Եվս մեկ հարց հնչել է Սանկտ Պետերբուրգի պետական համալսարանի ուսանողի կողմից, որը ձայնագրել էր մի տեսանյութ, ասես հենց Պուտինն ինքն է հարց ուղում նախագահին։ Նա հետաքրքրվել է՝ արդյո՞ք Պուտինը նմանակներ ունի, ինչին ՌԴ նախագահը պատասխանել է, որ հարց տվող նմանակն առաջինն է։
