Ֆիդանը հայտարարել է, թե հայկական սփյուռքն «Արևմուտքի երկրներին սադրում է Ադրբեջանի դեմ»

Լուրեր

21.11.2026 | 19:41
GTA VI-ն ռեկորդային վաճառք է գրանցել՝ մեկ օրում ապահովելով 3,79 միլիարդ դոլարի եկամուտ
21.11.2026 | 19:12
Քննարկվել են Հայաստան-Մալթա հարաբերությունների հետագա խորացման հարցեր
21.11.2026 | 19:01
Այսօրվա Երևանն ագրեսիվ քաղաք է, մենք ենք փոխվել, դրան զուգահեռ՝ քաղաքը․ Էմ Կալմուխյան. ՏԵՍԱՆՅՈՒԹ
21.11.2026 | 18:54
Կենտրոնում ամբողջ շաբաթ փոշու պարունակությունը գերազանցել է սահմանային շեմը
21.11.2026 | 18:23
Հայաստանը և Իրանը պայմանավորվել են ընդլայնել համագործակցությունը բարձր տեխնոլոգիաների և նորարարության ոլորտներում
21.11.2026 | 18:02
Փաշինյանն ընդունել է Dell Technologies-ի տարածաշրջանային նախագահին․ քննարկվել են Հայաստանում նոր ներդրումների հնարավորությունները
21.11.2026 | 17:57
Վարչապետը հանդիպում է ունեցել է Խաղաղության Նոբելյան մրցանակակիր Քայլաշ Սաթյարթիի հետ
21.11.2026 | 17:46
ՏԻՄ ընտրությունների նախընտրական փուլում արձանագրվել է 43 միջադեպ և խախտում․ «Անկախ դիտորդ»
21.11.2026 | 17:18
Ինչ եղանակ է սպասվում առաջիկա օրերին
21.11.2026 | 16:54
Ակրոպոլիսի թանգարանում բացվել է հին Հայաստանին նվիրված բացառիկ ցուցահանդես
21.11.2026 | 16:37
Հրդեհ Եղվարդ քաղաքում. հրշեջ-փրկարարները կանխել են հրդեհի տարածումը դեպի հարակից բնակելի տուն
21.11.2026 | 15:35
Վաղը պաշտոնապես կազդարարենք ԹՐԻՓՓ նախագծի մեկնարկը․ Նիկոլ Փաշինյան
21.11.2026 | 15:08
Նոյեմբերի 22-ին և 25-ին Հայաստանում սպասվում են ինտենսիվ տեղումներ և ուժեղ քամի
21.11.2026 | 14:52
ՀՖՖ նախագահի պաշտոնում առաջադրվել է երկու թեկնածու
21.11.2026 | 14:07
Զելենսկի․ Ղրիմի կամուրջը չի պահպանվի, Պուտինը պետք է դա հասկանա, իսկ Ռուսաստանը պետք է զգա, թե ինչ է պատերազմը
Բոլորը

Թուրքիայի ԱԳ նախարար Հաքան  Ֆիդանը Ադրբեջանի ԱԳ նախարար Ջեյհուն Բայրամովի հետ Բաքվում տեղի ունեցած ասուլիսում հայտարարել է, որ Հարավային Կովկասում կայունությունը շատ կարևոր է, հատկապես տրանսպորտային և էներգետիկ նախագծերի անվտանգության տեսանկյունից։ Նա հայտնել է, որ իր ադրբեջանցի գործընկերոջ հետ քննարկել են Հարավային Կովկասի զարգացումները, գրում են ադրբեջանական լրատվամիջոցները։

Ֆիդանը շնորհավորել է Բայրամովին սեպտեմբերի 19-ին Արցախում իրականացրած ռազմական ագրեսիայի ու էթնիկ զտման կապակցությամբ։

«Մենք միշտ ասել ենք, որ 3 տարի առաջ 44-օրյա պատերազմից հետո պատմական հնարավորություն է ստեղծվել տարածաշրջանում խաղաղություն հաստատելու համար։ Մենք կարծում ենք, որ այսօրվա փուլում այս հնարավորությունը շատ ավելի է ուժեղացել, և այլևս չպետք է խուսափել դրանից։ Այդ իսկ պատճառով մենք ողջունում ենք Ադրբեջանի և Հայաստանի միջև մշտական ​​խաղաղության և սահմանների որոշման համաձայնագրերի հարցում դրական առաջընթացը։ Հարավային Կովկասը, որտեղ տիրում է խաղաղություն և հանգստություն, բխում է բոլոր դերակատարների շահերից: Ուստի, բոլոր կողմերը պետք է ձգտեն խաղաղության և նորմալացման մթնոլորտ ստեղծել։ Ցավոք, Արևմուտքում հայկական սփյուռքը շահագործում է հայ ժողովրդի ծանր պայմանները, փորձում է որոշ երկրների սադրել Ադրբեջանի դեմ։ Դրանով զբաղվելու փոխարեն՝ ավելի լավ կլիներ էներգիա ծախսել այնպիսի միջավայր ստեղծելու համար, որտեղ Հայաստանի ժողովուրդը կարող է նորմալ հարաբերություններ հաստատել իր հարևանների հետ»,- ասել է Թուրքիայի ԱԳ նախարարը։

Նա նշել է, որ տարածաշրջանից դուրս գտնվող բոլոր դերակատարները նույնպես պետք է հետևեն այնպիսի քաղաքականության, որը հարգում է տարածաշրջանում հավասարակշռությունը և խրախուսում նորմալացումը: Ըստ նրա՝ Անկարային գոհացնում է նաև երկու երկրների միջև վստահության ամրապնդմանն ուղղված որոշակի կոնկրետ քայլեր ձեռնարկելու վերջին որոշումը։ Ֆիդանը հույս է հայտնել, որ նման քայլերը կշարունակվեն և ճանապարհ կհարթեն համապարփակ խաղաղության համաձայնագրի համար։

«Կարծում ենք, որ նրանք, որոնք փորձում են սադրիչ քայլերով վնասել գործընթացին, նույնպես պետք է ուղերձ ստանան այս համաձայնագրից։ Մենք միշտ ասում ենք, որ այն ազդակը, որը ձեռք կբերվի Ադրբեջանի և Հայաստանի միջև գործընթացում, դրականորեն կազդի Թուրքիայի և Հայաստանի միջև հարաբերությունների կարգավորման գործընթացի վրա։ Ավելի քան երբևէ մոտ ենք տարածաշրջանային կայունությանը և խաղաղությանը»,- հայտարարել է Հաքան Ֆիդանը՝ հավելելով, որ «կշարունակեն սերտ համակարգումը Ադրբեջանի հետ՝ այդ հնարավորությունը լավագույնս օգտագործելու համար»։

Էմմա Չոբանյան