Դատախազն ընթերցում է Սերժ Սարգսյանի և մյուսների գործով մեղադրական ճառը. ՈՒՂԻՂ

Երևանի ընդհանուր իրավասության քրեական դատարանում դատավոր Վահե Միսակյանի նախագահությամբ շարունակվում է Հայաստանի երրորդ նախագահ Սերժ Սարգսյանի և «Ֆլեշ» ընկերության նախկին տնօրեն Բարսեղ Բեգլարյանի գործի քննությունը։ Այսօրվա դատական նիստ դատախազը պետք է հանդես գա մեղադրական ճառով։

Հիշեցնենք, որ գործը դատարան է ուղարկվել 5 մեղադրյալի վերաբերյալ։ Նրանցից 4-ին՝ Սերժ Սարգսյանին, «Ֆլեշ» ընկերության նախկին սեփականատեր Բարսեղ Բեգլարյանին, գյուղատնտեսության նախկին փոխնախարար Սամվել Գալստյանին և նույն նախարարության Բուսաբուծության վարչության պետ Գևորգ Հարությունյանին մեղադրանք էր առաջադրվել Քրեական օրենսգրքի 38-179-րդ հոդվածի 3-րդ մասի 1-ին կետով (առանձնապես խոշոր չափերով յուրացումը կամ վատնումը կազմակերպելը, դրդելը, օժանդակելը), իսկ գյուղատնտեսության նախկին նախարար Սերգո Կարապետյանին՝ 179-րդ հոդվածի 3-րդ մասի 1-ին կետով (առանձնապես խոշոր չափերով յուրացումը կամ վատնումը)։

Գործի քննության ընթացքում Սամվել Գալստյանն ու Սերգո Կարապետյանը մահացել են: Նշենք նաև, որ մեղադրյալներին վերագրվող արարքների վաղեմության ժամկետն ավարտվել է, սակայն նրանք առարկել են, որպեսզի քրեական հետապնդումն իրենց նկատմամբ վաղեմության ժամկետն անցած լինելու հիմքով դադարեցվի։ Սարգսյանի և մյուսների վերաբերյալ քրեական գործը դատարան է ուղարվել և դատաքննության փուլ մտել մինչև Քրեական դատավարության նոր օրենսգրքի ուժի մեջ մտնելը, այսինքն՝ այս գործը քննվում է Քրեական դատավարության նախկին օրենսգրքի կարգավորումների համաձայն։ Ըստ այդմ՝ եթե անգամ մեղադրյալները մեղավոր ճանաչվեն իրենց վերագրվող արարքներում և նրանց նկատմամբ պատիժ նշանակվի, նրանք կազատվեն պատժի կրումից։

Արաքս Մամուլյան