30.05.2026 | 15:55
Սահմանափակվելու է երթևեկությունը Աջափնյակ վարչական շրջանում
Բաքվում ԱՄՆ-ի և Մեծ Բրիտանիայի դեսպանները Հարավային Կովկասում ընդհանուր նպատակներն են քննարկել
Քաղաքականություն
13.12.2023 | 13:58
Ադրբեջանում ԱՄՆ նորանշանակ դեսպան Մարկ Լիբբին հանդիպել է Մեծ Բրիտանիայի դեսպան Ֆերգյուս Օլդի հետ։ Այս մասին հայտնում է Ադրբեջանում ԱՄՆ դեսպանատունը X-ում գրառմամբ։
«Հիանալի է հանդիպել դեսպան Ֆերգյուս Օլդին։ Ես անհամբերությամբ սպասում եմ համատեղ աշխատանքին Ադրբեջանում և Կովկասում ընդհանուր նպատակների ուղղությամբ, ներառյալ՝ մեր համագործակցությունը ականազերծման օգնության հարցում»,- ասել է Լիբբին։
Հիշեցնենք, որ Ադրբեջանի հետ հարաբերությունների լարվածության ֆոնին դեկտեմբերի 2-ի ուշ երեկոյան Մարկ Լիբբին ժամանել է Բաքու։ Նա սահմանափակվել է մամուլի համար ադրբեջաներեն կարճ հայտարարությամբ՝ ասելով, որ շատ ուրախ է Ադրբեջան ժամանելու համար։
«Ես անհամբերությամբ սպասում եմ իմ հավատարմագրերը հանձնելու և աշխատանքը սկսելու հնարավորությանը՝ ամերիկա-ադրբեջանական հարաբերությունների զարգացման և տարածաշրջանում կայուն խաղաղության հասնելու համար»,- ասել էր նա։
Կարիերային դիվանագետ Լիբբիին նոյեմբերի սկզբին պաշտոնում հաստատել էր Սենատը՝ նշանակումից գրեթե մեկուկես տարի անց: Վաշինգտոնն Ադրբեջանում դեսպան չուներ անցյալ ամռանից, երբ Լի Լիցենբերգերը հեռացել էր ծառայությունից։
Էմմա Չոբանյան
