02.11.2024 | 13:09
Նոյեմբերի 1-ին «Երևանի ավտոբուս» ՓԲԸ-ի կողմից հավաքագրվել է 31 678 200 ՀՀ դրամ
ԱՀԿ-ն Գազայի հատվածի հյուսիսում գործող վերջին հիվանդանոցում իրավիճակն աղետալի է անվանել
Քաղաքականություն
13.12.2023 | 14:09
Գազայի հատվածի հյուսիսում գործող վերջին հիվանդանոցը դարձել է «մարդասիրական աղետի գոտի»։ Այս մասին ասել է Գազայի հատվածում Առողջապահության համաշխարհային կազմակերպության (ԱՀԿ) ներկայացուցիչ Ռիչարդ Պիպերկորնը, գրում է BBC-ի ռուսական ծառայությունը։
Գազա քաղաքի Ալ-Ահլի հիվանդանոցն անձնակազմի խիստ պակաս է զգում, ավելի քան 200 հիվանդ է գտնվում հիվանդանոցում, բայց բավարար ռեսուրսներ կան միայն նրանցից 40-ին խնամելու համար, ասել է նա:
Չկարողանալով անոթային վիրահատություններ կատարել՝ վիրաբույժները ստիպված են լինում անդամահատել հիվանդների վերջույթները՝ նրանց կյանքը փրկելու համար։ Հիվանդանոցն ունի սննդի, ջրի, թթվածնի և վառելիքի պակաս, Պիպերկորնի հայտարարությունն է մեջբերում ՄԱԿ-ի պաշտոնական կայքը։
Ալ-Ահլի կլինիկայի հիվանդները պառկած են հատակին միջանցքներում, բժիշկները հենց այնտեղ էլ նրանց օգնություն են ցուցաբերում, ասել է ԱՀԿ ներկայացուցիչը:
