19.12.2025 | 23:33
ԱՄՆ-ի, Ռուսաստանի և Ուկրաինայի բանակցությունների նոր փուլը տեղի կունենա ԱՄՆ-ում առաջիկա օրերին
Վնուկովոյում ինքնաթիռը դուրս է եկել թռիչքուղուց և սահել ձնակույտի մեջ
Քաղաքականություն
12.12.2023 | 17:10
Մոսկվայի «Վնուկովո» օդանավակայանում ՅԱԿ-40 ինքնաթիռը, որը պետք է թռչեր Վոլոգդա, թռիչքուղուց սահել է ձնակույտի մեջ, ինչի պատճառով թռիչքը հետաձգվել է վեց ժամով։ Այս մասին հայտնել է «Իզվեստիա»-ի աղբյուրը։
Vologda Airlines ավիաընկերությանը պատկանող ինքնաթիռը տեխնիկապես չի տուժել, ուղևորները՝ նույնպես։ Սակայն որոշ ուղևորներ ժամանակի կորստի պատճառով որոշել են չսպասել թռիչքին և ավտոբուսով կամ գնացքով են մեկնել իրենց նպատակակետ։
Մի քանի ժամ անց ինքնաթիռը կարողացել է բարեհաջող թռիչք կատարել Մոսկվայից դեպի նշանակված վայր։
Ավելի վաղ՝ դեկտեմբերի 8-ին, Միներալնիե Վոդիից Սանկտ Պետերբուրգ թռչող Rossiya Airlines-ի ինքնաթիռը վերադարձել էր մեկնման օդանավակայան՝ օդաչուի խցիկի ապահերմետիկացման պատճառով: Ինքնաթիռում եղել է 105 ուղևոր և անձնակազմի 6 անդամ։
Ավելի ուշ ուղևորներից մեկն ասել է, որ ինքնաթիռը «գրեթե հասել է թռիչքի մակարդակին և սկսել է կտրուկ ընկնել»։
