23.11.2024 | 20:00
Չի ներկայացվել գույքի և ունեցվածքի 509 հայտարարագիր՝ 4 տարում․ ի՞նչ է սպասվում օրինախախտներին. ՔՆՆԱՐԿՈՒՄ
COP29-ը հաջորդ տարի կանցկացվի Ադրբեջանում
Քաղաքականություն
11.12.2023 | 19:58
ՄԱԿ-ի Կլիմայի փոփոխության կոնֆերանսը՝ COP29-ը, հաջորդ տարի Ադրբեջանում կանցկացվի։ Այս որոշման մասին հայտարարվել է Դուբայում COP28-ի շրջանակներում կայացած լիագումար նիստում, հայտնում են ադրբեջանական ԶԼՄ-ները։
Հիշեցնենք, որ Ադրբեջանի թեկնածության հարցին անդրադարձ է եղել նաև օրեր առաջ ընունված ՀՀ և Ադրբեջանի համատեղ հայտարարությունում։
Գերիների փոխանակումից բացի՝ դրանում, մասնավորապես, ասվում էր, որ որպես բարի կամքի քայլ՝ Հայաստանի Հանրապետությունն իր աջակցությունն է հայտնում ՄԱԿ-ի Կլիմայի փոփոխության մասին շրջանակային կոնվենցիայի Մասնակիցների կոնֆերանսի 29-րդ նստաշրջանը («COP29») հյուրընկալելու նպատակով Ադրբեջանի Հանրապետության ներկայացրած հայտին և հանում է իր թեկնածությունը: Հայաստանի Հանրապետությունը և Ադրբեջանի Հանրապետությունը հույս են հայտնում, որ Արևելյան Եվրոպայի խմբի մյուս պետությունները նույնպես կաջակցեն հյուրընկալելու նպատակով Ադրբեջանի Հանրապետության ներկայացրած հայտին:
Որպես բարի կամքի քայլ՝ Ադրբեջանի Հանրապետությունն իր աջակցությունն է հայտնում Արևելյան Եվրոպայի խմբի «COP»-ի բյուրոյին անդամակցելու համար առաջադրված՝ Հայաստանի Հանրապետության թեկնածությանը:
