02.11.2024 | 11:21
Նավթի գները նվազել են
Իրանը ողջունում է ՀՀ-ի և Ադրբեջանի համատեղ հայտարարությունը
Քաղաքականություն
11.12.2023 | 14:50
Իրանի ԱԳՆ-ն ողջունել է Հայաստանի և Ադրբեջանի կողմից հարաբերությունների կարգավորման վերաբերյալ վերջերս արված համատեղ հայտարարությունը։ Այս մասին գրում է Tasnim լրատվական գործակալությունը։
«Իրանը ողջունում է Բաքվի և Երևանի համատեղ հայտարարությունը վստահության ամրապնդման փոխադարձ միջոցների մասին, այդ թվում՝ բանտարկյալների ազատ արձակման վերաբերյալ, և այն համարում է կառուցողական քայլ խաղաղության համաձայնագրի հասնելու համար»,- այսօր կայացած մամուլի ասուլիսի ժամանակ հայտարարել է Իրանի ԱԳՆ խոսնակ Նասեր Քանանին։
Նա նաև հայտարարել է, որ Հայաստանի և Ադրբեջանի հայտարարությունը ցույց է տալիս, թե որքան արդյունավետ են տարածաշրջանային երկխոսությունն ու մեխանիզմները հակամարտությունների կարգավորման գործում։
«Տարածաշրջանում կայուն խաղաղության հասնելը պահանջում է վստահության ամրապնդման մթնոլորտ և համագործակցություն տարածաշրջանային կողմերի միջև»,- հավելել է Քանանին:
Իրանի խոսնակը նաև հույս է հայտնել, որ Բաքվի և Երևանի միջև բանակցություններն արդյունք կտան՝ հայտնելով Իրանի պատրաստակամությունը՝ օգնելու երկու հարևան պետություններին հասնել կայուն խաղաղության համաձայնագրի։
