02.11.2024 | 10:58
Ձորաղբյուրում բախվել են «Opel» և «Moskvich» մակնիշի մեքենաներ․ կա մեկ զոհ և մեկ տուժած
Բայրամովը Մարիա Պեյչինովիչ-Բուրիչի հետ Հայաստանի հետ հարաբերությունների կարգավորումն է քննարկել
Քաղաքականություն
08.12.2023 | 21:10
Ադրբեջանի ԱԳ նախարար Ջեյհուն Բայրամովը Եվրոպայի խորհրդի գլխավոր քարտուղար Մարիա Պեյչինովիչ-Բուրիչի հետ Բաքվում կայացած հանդիպմանը քննարկել է երկկողմ օրակարգի հարցեր և իրավիճակը Հարավային Կովկասում։ Այս մասին հայտնում է Ադրբեջանի ԱԳՆ-ն։
«Հանդիպման ընթացքում քննարկվել են երկկողմ օրակարգի ընթացիկ հարցեր, ինչպես նաև տարածաշրջանում տիրող իրավիճակը»,- ասվում է հաղորդագրության մեջ։
Նշվում է, որ Բայրամովը զրուցակցին տեղեկացրել է տարածաշրջանում տիրող իրավիճակի, հայ-ադրբեջանական հարաբերությունների կարգավորման գործընթացի մասին։ Հանդիպման ընթացքում քննարկվել են նաև փոխադարձ հետաքրքրություն ներկայացնող տարածաշրջանային այլ հարցեր։
Հիշեցնենք, որ Մարիա Պեյչինովիչ-Բուրիչը այսօր ավելի վաղ հանդիպել էր Ադրբեջանի նախագահ Իլհամ Ալիևին։
Էմմա Չոբանյան
