16.03.2026 | 23:18
ԵՄ-ն պատժամիջոցներ է սահմանել չինական և իրանական ընկերությունների նկատմամբ՝ կիբերհարձակումների համար
Փայլանը շարունակում է աջակցել Թուրքիայում կալանավորված ամերիկացի հոգևորականին
Քաղաքականություն
31.07.2018 | 20:43
Թուրքիայի ընդդիմադիր քրդամետ «Ժողովուրդների դեմոկրատական» կուսակցության (ԺԴԿ-HDP) հայ պատգամավոր Գարո Փայլանը «Twitter»-ում հերթական գրառումն է կատարել ի պաշտպանություն Թուրքիայում կալանավորված ամերիկացի հոգևորական Էնդրյու Բրանսոնի։ Վերջինս մեղադրվում է Թուրքիայում ահաբեկչական համարվող կառույցների հետ կապ ունենալու մեջ. տեղեկացնում է ermenihaber-ը:
«Հոգևորական Էնդրյու Բրանսոնին անհեթեթ մեղադրանքներով պատանդ պահելու համառությունը մեր երկրին մեծ վնաս է հասցնելու։ Այն հանգեցնելու է ԱՄՆ-ի կողմից մեր նկատմամբ պատժամիջոցների կիրառմանը»,-գրել Փայլանը։
Հիշեցնենք, որ վերջերս ԱՄՆ-ի բարձրաստիճան պաշտոնյաները Թուրքիային սպառնացին մի շարք պատժամիջոցներով, եթե Անկարան ազատ չարձակի Բրանսոնին։
Փայլանը նախկինում էլ անդրադարձել էր Բրանսոնի շուրջ ընթացող գործին։ Նա Թուրքիայի իշխանություններին մեղադրել էր այն բանում, որ հոգևորականին օգտագործում են իրենց «կեղտոտ գործարքներում»։
