03.06.2026 | 16:44
Ցուցադրված տեխնիկան մեծ մասամբ բանակին է մատակարարվում․ Հակոբ Արշակյան․ ՏԵՍԱՆՅՈՒԹ
Կիևը Վաշինգտոնին է ներկայացրել անհրաժեշտ սպառազինությունների ցուցակը․ Reuters
Քաղաքականություն
07.12.2023 | 14:44
Ուկրաինան ԱՄՆ-ից պահանջել է նոր տեսակի զենքեր՝ ռուսական ագրեսիան հետ մղելու համար, այդ թվում՝ F/A-18 Hornet կործանիչներ, Apache գրոհային ուղղաթիռներ և այլ զինատեսակներ, հայտնում է Reuters-ը։
Հաղորդվում է, որ Ուկրաինայի Պաշտպանության նախարարության պաշտոնյաները ներկայացրել են «ուկրաինական պաշտպանական ուժերի կարիքները բավարարող սպառազինությունների ցանկը» Վաշինգտոնում կայացած փակ հանդիպման ժամանակ, որին մասնակցել են պետական պաշտոնյաներ և ԱՄՆ պաշտպանական արդյունաբերության ոլորտի ղեկավարներ:
Գործակալության աղբյուրները, որոնք վերանայել են ցուցակը, նշել են, որ այն ներառում է զենքեր, որոնք Ուկրաինան արդեն ունի իր զինանոցում, ներառյալ՝ Abrams տանկեր և 155 մմ հրետանի, անօդաչու սարքեր և հեռահար ATACMS հրթիռներ:
Սակայն ցուցակում կան մի քանի նոր կետեր, այդ թվում՝ Boeing-ի արտադրության C-17 Globemaster տրանսպորտային ինքնաթիռ և Lockheed Martin-ի C-130 Super Hercules-ը: Ցանկում ներառված են նաև Apache և Black Hawk հարվածային ուղղաթիռները:
Փաստաթղթերում նաև ասվում է, որ Ուկրաինան ԱՄՆ-ից պահանջում է F/A-18 Hornet կործանիչներ, General Atomics-ի արտադրության երեք տեսակի անօդաչու թռչող սարքեր, ներառյալ՝ MQ-9B Sky Guardian-ը և Lockheed-ի արտադրության THAAD հակաօդային պաշտպանության համակարգը։
