04.06.2026 | 09:00
«Մարգարա» անցակետը հնարավոր է վերագործարկվի․ ՊԵԿ-ը շուրջ 11 մլն դրամի ծախս է իրականացնում
ԱՄՆ Սենատում հանրապետականներն արգելափակել է Ուկրաինային օգնելու մասին օրինագիծը
Քաղաքականություն
07.12.2023 | 12:05
ԱՄՆ Սենատում հանրապետականներն արգելափակել են Ուկրաինային օգնության օրինագիծը, գրում է BBC-ի ռուսական ծառայությունը։
Հիմնական պատճառը դեմոկրատների և հանրապետականների միջև տարաձայնություններն են Մեքսիկայի հետ սահմանն ամրապնդելու և ներգաղթային քաղաքականության խստացման անհրաժեշտության հարցում։
110 միլիարդ դոլար արժողությամբ փաթեթը ներառում էր 61 միլիարդ դոլարի օգնություն Ուկրաինային։ Մնացած գումարը պետք է հատկացվեր Իսրայելին, նաև՝ Գազային որպես հումանիտար օգնություն և ուղղվեր ԱՄՆ-ի սահմանային անվտանգության միջոցառումներին:
Հանրապետականները պնդում են, որ Ուկրաինային տրամադրվող ցանկացած օգնություն պետք է զուգակցվի ներգաղթի ոլորտի լայնածավալ բարեփոխումներով և ԱՄՆ-ի՝ ապաստան տրամադրելու քաղաքականության վերանայմամբ: Նրանք պահանջում են փոխել ապաստանի տրամադրման կանոնները և խստացնել ներգաղթի վերահսկողությունը։
Օրինագծի քննարկումը սկսելու համար անհրաժեշտ էր 100-ից առնվազն 60 ձայն, սակայն 51 սենատոր դեմ է եղել, 49-ը՝ կողմ։ Բաղի հանրապետական սենատորներից, դեմ է քվեարկել նաև ձախակողմյան հայացքներով հայտնի անկախ սենատոր Բերնի Սանդերսը։ Նա դեմ էր, որ առաջարկվող փաթեթը ներառի միլիարդավոր դոլարների ռազմական օգնություն Իսրայելին:
