23.07.2026 | 22:44
Լատվիայում հավանություն են տվել Ռուսաստանից գրքերի և խաղալիքների ներմուծման արգելքին
Հայաստանը կստանա 50 «Բաստիոն» զրահամեքենա․ Ֆրանսիայի սենատն առաջարկում է նաև CAESAR հրետանային համակարգեր մատակարարել
Քաղաքականություն
04.12.2023 | 13:49
Ֆրանսիայի Հանրապետության Սենատի 2024 թվականի բյուջեի պաշտպանության բաժնում նշված է, որ Ֆրանսիայի իշխանությունները նախաձեռնել են Հայաստանին պաշտպանական սպառազինությունների մատակարարում։
Բացի GM200 ռադարներից՝ խոսվում է նաև MISTRAL 3 «երկիր-օդ» հրթիռների մատակարարման մասին։ Դրանից զատ, առաջարկ է հնչել նաև CAESAR հրետանային համակարգեր մատակարարել Հայաստան։
«Վերջերս Հայաստանը Thales-ի հետ երեք GM200 ռադարների պատվեր է ստորագրել, և խոսվում է MISTRAL 3 «երկիր-օդ» հրթիռների մատակարարման մասին։ Զեկուցողները նշում են, որ ֆրանսիական Arquus ընկերության կողմից արտադրված Bastion տիպի 24 զրահամեքենա է առաքվում Հայաստան։ Դրանցից բացի՝ պետք է ուղարկվի նույն տիպի 26 զրահամեքենա, որոնք ներկայում արտադրվում են:
Ֆրանսիայի իշխանությունները նախաձեռնել են Հայաստանին պաշտպանական սպառազինությունների մատակարարում։ Պաշտպանական և հարձակողական զենքերի այս տարբերակումը իրականում այնքան էլ գործառնական չէ, ինչպես ցույց տվեց Ուկրաինայի պատերազմը: Եկեք չկրկնենք նույն սխալները՝ ուշ մատակարարելով սարքավորումները, որոնք անհրաժեշտ կլինեն ի սկզբանե։ Ահա թե ինչու մենք պետք է արագ արձագանքենք Հայաստանի իշխանությունների բոլոր խնդրանքներին, մասնավորապես՝ հրետանու անհրաժեշտության վերաբերյալ։
Զեկուցողներն այս առումով խորհուրդ են տալիս, որ CAESAR հրետանային համակարգերի մատակարարումը հնարավորինս շուտ ուսումնասիրվի՝ հաշվի առնելով այս սարքավորման արդյունավետությունը և Nexter-ի նոր արտադրական հզորությունները 2024 թվականին (արտադրողականությունը ամսական 2-ից հասցվել է 6 միավորի, պիկի դեպքում հնարավոր է հասցնել նաև 8-ի)»,- ասված է նախագծում։
