23.02.2026 | 20:00
Իրանի դեմ ԱՄՆ-ի ռազմական գործողությունների վտանգը մեծ է․ դիվանագիտական գործարքի շանսը նվազ է․ Արմեն Պետրոսյան․ ՏԵՍԱՆՅՈՒԹ
Ալիևն այցով Դուբայում է․ ՀՀ նախագահը ևս մեկնել է ԱՄԷ
Քաղաքականություն
30.11.2023 | 19:25
Ադրբեջանի նախագահ Իլհամ Ալիևն այցով գտնվում է Արաբական Միացյալ Էմիրություններում՝ մասնակցելու Կլիմայի փոփոխության համաշխարհային գագաթնաժողովին, որը կազմակերպվել է Կլիմայի փոփոխության մասին ՄԱԿ-ի շրջանակային կոնվենցիայի (COP28) Կողմերի համաժողովի 28-րդ նստաշրջանի շրջանակում։
Ադրբեջանական լրատվամիջոցների հաղորդմամբ՝ Ալիևը Դուբայում հանդիպել է ԱՄԷ-ի նախագահ շեյխ Մուհամմադ բին Զայեդ Ալ-Նահյանի հետ։
Հիշեցնենք, որ ՀՀ նախագահ Վահագն Խաչատուրյանի գլխավորած պատվիրակությունը նույնպես մեկնել է Դուբայ՝ մասնակցելու ՄԱԿ-ի Կլիմայի փոփոխության 28-րդ համաժողովին։ Նախագահի գլխավորած պատվիրակության կազմում է նաև Շրջակա միջավայրի նախարար Հակոբ Սիմիդյանը։
ՀՀ նախագահը և նախարարը կմասնակցեն համաժողովի բացման արարողությանը: Համաժողովի շրջանակում նախատեսված է նաև ՀՀ նախագահի ելույթը։ Այցի ընթացքում սպասվում են մի շարք երկկողմ հանդիպումներ։
Էմմա Չոբանյան
