02.11.2024 | 13:33
Հրդեհ Աքորի գյուղում, այրվել է տան տանիք
Ղրիմը սպասում է վերադարձին, սակայն Դոնբասի պարագայում դժվար կլինի․ Զելենսկին՝ ուկրանական տարածքների ապաօկուպացիայի մասին
Քաղաքականություն
30.11.2023 | 16:09
Ուկրաինայի նախագահ Վլադիմիր Զելենսկին կարծում է, որ Ղրիմի հետ գրավումն ավելի հեշտ կլինի, քանի որ այնտեղ ռազմական գործողություններ չեն եղել, բայց «Դոնբասի ապաօկուպացիան ավելի դժվար կլինի՝ 10 տարվա ռուսական իշխանության, այդ տարածքի ռազմականացման և անջատողականության պատճառով»։ Այս մասին նա ասել է Նիկոլաևում ուսանողների հետ հանդիպմանը, փոխանցում է Украинская правда-ն։
«Կարող է պատահել, որ մենք տարածքները վերադարձնենք ավելի շուտ, քան մարդկանց։ Կարող է այդպես լինել։ Եթե, օրինակ, վերցնենք Դոնբասը, մարդիկ այնտեղ ապրում են 10 տարի, ապրում են այլ տարածքում, և սա երկար գործընթաց է։ Կարող է տարբեր լինել: Կարծում եմ՝ Դոնբասի հետ ավելի դժվար է։ Ինձ գործընկերները մի անգամ ասացին՝ ձեզ համար գրեթե անհնար կլինի վերադարձնել Ղրիմը և շատ դժվար՝ Դոնբասը։ Իմ կարծիքով՝ եթե մենք խոսում ենք մարդկանց մասին, ապա տարածքները վերադառնում են մարդկանց հետ։ Եթե մարդիկ դա չուզեն, շատ դժվար կլինի»,- ասել է Զելենսկին։
Նա նշել է, որ հիմա, երբ ՌԴ-ն կռվում է իրենց դեմ, «ամենակոշտ անջատողականները կանգնած են․ ռուսները փախչում են, իսկ նրանք կանգնած են»։
«Դա ևս ինչ-որ բանի մասին խոսում է։ Ղրիմում ռազմական գործողություններ չեն եղել, ուստի կարծում եմ, որ Ղրիմը շատ է սպասում վերադարձին։ Դոնբասը նույնպես սպասում է, բայց դա շատ դժվար է լինելու, քանի որ այդ տարածքի մեծ մասը օկուպացված և առավելագույնս ռազմականացված է»,- հայտարարել է Ուկրաինայի նախագահը։
Էմմա Չոբանյան
