02.11.2024 | 15:28
ԱԺ հանձնաժողովի անդամները մասնակցել են ԵՄ խորհրդարանների ԵՄ հարցերով հանձնաժողովների համաժողովին
Գերմանիայի նախագահին Կատարում 30 րոպե դիմավորող չի եղել․ նրան սպասեցրել են ինքնաթիռում․ ՏԵՍԱՆՅՈՒԹ
Քաղաքականություն
30.11.2023 | 12:35
Գերմանիայի նախագահ Ֆրանկ-Վալտեր Շտայնմայերը Կատար կատարած պաշտոնական այցի ժամանակ ստիպված է եղել մոտ 30 րոպե սպասել ինքնաթիռում, քանի որ Կատարի ոչ մի պաշտոնյա նրան օդանավակայանում չի դիմավորել։ Շտայնմայերը գրեթե կես ժամ սպասել է Airbus A350-ի դռան մոտ, մինչև Կատարի արտաքին գործերի պետնախարար Սուլթան ալ-Մուրայչայը ժամանել է՝ ընդունելու Գերմանիայի ղեկավարին:
Շտայնմայերի հետ Դոհա ժամանած DW-ի լրագրողը գրում է․ «Արևը փայլում էր: Կարմիր գորգը բացված էր։ Զինվորական պատվո պահակախումբն էլ էր հավաքված։ Անգամ Կատարում Գերմանիայի դեսպան Լոթար Ֆրեյշլադերն էր եկել: Միակ խնդիրն այն էր, որ Կատարի ոչ մի պաշտոնյա այնտեղ չէր Գերմանիայի նախագահ Ֆրանկ-Վալտեր Շտայնմայերին Դոհայում պաշտոնապես ընդունելու համար»։
DW-ն հարց է բարձրացնում՝ արդյո՞ք սխալմունք է եղել պլանավորման հարցում, թե արաբական երկրի պաշտոնյաները նման կերպ են վարվել այն բանից հետո, երբ Շտայնմայերը եռօրյա այցով տարածաշրջան ժամանելով՝ այցելել է Իսրայել, որից հետո երկու գիշեր անցկացրել է Օմանում և ընդամենը երեք ժամ՝ Կատարում:
Տեսանյութն՝ այստեղ։
