24.11.2024 | 10:32
Այս տարի Ավանում 14,000 քմ բակային տարածքներ ազատել ենք ավտոտնակներից և անօրինական շինություններից. Ավինյան․ ՏԵՍԱՆՅՈՒԹ
ՀԱՄԱՍ-ը պատանդների նոր ցուցակ է ներկայացրել, զինադադարը կշարունակվի. Իսրայելի կառավարություն
Քաղաքականություն
30.11.2023 | 11:07
Իսրայելի վարչապետի գրասենյակը հայտարարել է, որ զինադադարը կերկարաձգվի, քանի որ ՀԱՄԱՍ-ը ներկայացրել է պատանդների նոր ցուցակ, որոնց նախատեսում է ազատ արձակել հինգշաբթի օրը։ Ցուցակում տասը մարդ կա, գրում է BBC-ի ռուսական ծառայությունը։
«Ռազմական կաբինետը գիշերը միաձայն որոշեց, որ եթե մինչև առավոտյան յոթը ցուցակը չներկայացվի համաձայնագրում նկարագրված ձևով, ապա կրակն անմիջապես կվերսկսվի։ Իսրայելը հենց նոր է ստացել կանանց և երեխաների ցուցակը, որը համապատասխանում է համաձայնագրի պայմաններին, և, հետևաբար, զինադադարը կշարունակվի»,- կառավարության ներկայացուցչի խոսքերն է մեջբերում իսրայելական Ynet-ը։
ՀԱՄԱՍ-ը հայտնել է, որ հինգշաբթի մտադիր է փոխանցել նաև իսրայելցիների երեք դի։ Ըստ իսրայելական կողմի հաշվարկների, ընդհանուր առմամբ, պատանդ է մնում առնվազն 15 կին և երեխա։ ՀԱՄԱՍ-ն իր հերթին հայտարարել է, որ չի կարողանում գտնել պատանդ վերցված ավելի շատ կանանց և երեխաների, քանի որ հոկտեմբերի 7-ին ոմանք գերեվարվել են ոչ թե ՀԱՄԱՍ-ի, այլ դաշնակից այլ զինված խմբերի կողմից:
