04.08.2026 | 23:29
Չժաո Լեցզին շնորհավորել է Ռուբեն Ռուբինյանին ԱԺ նախագահ ընտրվելու կապակցությամբ
Թուրքիան ՆԱՏՕ-ին ասել է, որ Շվեդիայի անդամակցության հայտը կարող է վավերացվել մինչև տարեվերջ
Քաղաքականություն
29.11.2023 | 16:41
Թուրքիայի ԱԳ նախարար Հաքան Ֆիդանը ՆԱՏՕ-ի գործընկերներին ասել է, որ քրտնաջան աշխատում է ՆԱՏՕ-ին Շվեդիայի անդամակցության հայտի վավերացման ուղղությամբ, որը ներկայում քննարկվում է Թուրքիայի խորհրդարանի կողմից, և դաշինքին երկրի պաշտոնական միանալու հավանական ժամանակացույց է տարեվերջը: Այս մասին Reuters-ին ասել է ԱՄՆ Պետքարտուղարության բարձրաստիճան պաշտոնյան։
«Հանդիպման ամփոփումն այն էր, որ վավերացումը կլինի մինչև տարեվերջ»,- ասել է պաշտոնյան անանունության պայմանով։
Նախօրեին Բրյուսելում տեղի է ունեցել ՆԱՏՕ-ի անդամ երկրների ԱԳ նախարարների հանդիպումը։ Արևմտյան պաշտպանական բլոկի որոշ անդամներ հույս ունեին, որ Շվեդիայի հայտի վավերացումը կավարտվի մինչ հանդիպումը, որպեսզի անդամակցության արարողությունը տեղի ունենա նիստի շրջանակում։ Սակայն անցյալ շաբաթ Reuters-ը հայտնել էր, որ Թուրքիան դաշինքին տեղեկացրել է՝ սկանդինավյան երկրի հայտի վավերացումը չի ավարտվի երեքշաբթի կայանալիք հանդիպմանն ընդառաջ։
Ամերիկացի պաշտոնյան նշել է, որ երեքշաբթի տեղի ունեցած հանդիպումների ժամանակ Ֆիդանը ՆԱՏՕ-ի իր գործընկերներին ասել է, որ ինքը «քրտնաջան» աշխատում է խնդրի լուծման համար։
«Նա ասաց՝ մի քանի շաբաթից»,- ասել է պաշտոնյան՝ պատասխանելով հարցին՝ արդյո՞ք Ֆիդանը կարող է վավերացման գործընթացի ավարտի ժամանակացույց տրամադրել։
Շվեդիան և Ֆինլանդիան ՆԱՏՕ-ին անդամակցելու հայտ էին ներկայացրել անցյալ տարվա մայիսին՝ Ուկրաինա Ռուսաստանի ներխուժումից հետո: Թուրքիայի նախագահ Ռեջեփ Թայիփ Էրդողանն այն ժամանակ առարկություններ ուներ երկու դիմումների մասով էլ, սակայն ապրիլին հավանություն տվեց Ֆինլանդիայի հայտին, իսկ Շվեդիայի հայտը մինչ օրս չի վավերացվել։
Էմմա Չոբանյան
