15.09.2026 | 20:13
ԵԼ. Հայտնի են «Արարատ-Արմենիա» – «Սպարտա Պրահա» հանդիպման մրցավարները
ՌԴ-ն հայտնել է Մոսկվայի մերձակայքում ԱԹՍ խոցելու մասին
Քաղաքականություն
29.11.2023 | 13:55
Մոսկվայի քաղաքապետ Սերգեյ Սոբյանինը և ՌԴ Պաշտպանության նախարարությունը հայտարարել են, որ առավոտյան Ռուսաստանի մայրաքաղաքից հարավ՝ Պոդոլսկի շրջանում անօդաչու թռչող սարք են խոցել։ Սա վերջին օրերի ընթացքում անօդաչու թռչող սարքերի հարձակումների մասին ռուսական իշխանությունների առաջին հայտարարությունը չէ, փոխանցում է BBC-ի ռուսական ծառայությունը։
«Պոդոլսկի քաղաքային թաղամասում հակաօդային պաշտպանության ուժերը հետ են մղել Մոսկվայի ուղղությամբ ընթացող անօդաչու թռչող սարքի հարձակումը։ Ըստ նախնական տվյալների՝ բեկորների ընկնելու վայրում ավերածություններ կամ զոհեր չկան»,- ասվում է Սոբյանինի Telegram-ալիքում հրապարակված գրառման մեջ։
ՌԴ ՊՆ-ն էլ պարզաբանել է, որ «ինքնաթիռային» անօդաչու թռչող սարքը խոցվել է առավոտյան ժամը 7:30-ին։
Սոբյանինը հայտնել է, որ կիրակի գիշերը Պոդոլսկի շրջանում անօդաչու թռչող սարք է խոցվել, միաժամանակ, ինչպես հայտնել են տեղական իշխանությունները, անօդաչու սարքեր են խոցվել Մոսկվայի մարզի այլ վայրերում։
Նոյեմբերի 19-ին էլ Սոբյանինը հայտնել էր Մոսկվայի մարզի արևելյան հատվածում մեկ օրվա ընթացքում երկու ուկրաինական անօդաչու թռչող սարքերի մասին: Դրանցից մեկն ընկել է Մոնինո գյուղի մոտ, որտեղ նախկինում գտնվում էր ռազմաօդային ուժերի ակադեմիան։
