15.09.2026 | 17:53
Հայտնի է՝ որ ստադիոններն են ընդունելու եվրագավաթների եզրափակիչներն առաջիկա տարիներին
Մոսադի ղեկավարը և ԱՄՆ ԿՀՎ տնօրենը Կատար են վերադարձել՝ բանակցությունների․ Times of Israel
Քաղաքականություն
28.11.2023 | 17:46
Իսրայելական Մոսադի արտաքին հետախուզական ծառայության ղեկավար Դեյվիդ Բարնեան Դոհայում է, ուր ժամանել է ԱՄՆ Կենտրոնական հետախուզական վարչության (ԿՀՎ) տնօրեն Բիլ Բըրնսի և Կատարի բարձրաստիճան պաշտոնյաների հետ բանակցություններ վարելու, հայտնում է Times of Israel-ը:
Աղբյուրի համաձայն՝ պատերազմի սկզբից ի վեր սա Բարնեայի երրորդ այցն է Կատար։ Նա Իսրայելում հյուրընկալել է նաև Կատարի բարձրաստիճան պաշտոնյաների, քանի որ Դոհան միջնորդ է հանդես գալիս Իսրայելի և ՀԱՄԱՍ-ի միջև։
Նոյեմբերի 9-ին Reuters-ը հայտնել է, որ Բարնեան և Բըրնսը Դոհայում բանակցություններ են վարել Կատարի վարչապետ Մուհամեդ ալ-Թանիի հետ՝ նախքան ժամանակավոր զինադադարի և ՀԱՄԱՍ-ի կողմից գերեվարված որոշ պատանդների ազատ արձակման վերաբերյալ ավելի ուշ կնքված գործարքը:
Ներկայիս այցը տեղի է ունենում այն բանից հետո, երբ Իսրայելը և ՀԱՄԱՍ-ը պայմանավորվել են երկարաձգել զինադադարը երկու օրով՝ Գազայից ևս 20 պատանդների ազատելու համար։
Ավելի վաղ հայտնի էր դարձել, որ այս շաբաթ ԱՄՆ պետքարտուղար Էնթոնի Բլինքենը պատերազմի սկզբից ի վեր երրորդ անգամ կայցելի Մերձավոր Արևելք։
ԱՄՆ Ջո Բայդենի վարչակազմը վերջերս զգալի դիվանագիտական ջանքեր է գործադրում հակամարտությունը խաղաղ ճանապարհով լուծելու համար՝ բախվելով իր կուսակցության բուռն քննադատությանը ՀԱՄԱՍ-ի և Իսրայելի միջև պատերազմը վարելու վերաբերյալ:
