16.12.2025 | 14:24
Քննարկվել են ՀՀ և Վրաստանի ՊՆ-ների միջև ռազմավարական հաղորդակցության ոլորտում համագործակցության ընդլայնման հարցեր
Լավրովն ու Բլինքենը չեն հանդիպի ԵԱՀԿ ԱԳ նախարարների խորհրդի շրջանակում
Քաղաքականություն
28.11.2023 | 12:52
Հյուսիսային Մակեդոնիայում ԵԱՀԿ ԱԳ նախարարների խորհրդի շրջանակում ամերիկյան կողմը Ռուսաստանի արտգործնախարար Սերգեյ Լավրովի և ԱՄՆ պետքարտուղար Էնթընի Բլինքենի հանդիպում չի ծրագրում։ Այս մասին «Պրիմակովյան ընթերցումներ» ֆորումի շրջանակներում լրագրողներին ասել է ՌԴ փոխարտգործնախարար Սերգեյ Ռյաբկովը։
«Ոչ, [ամերիկյան կողմը չի խնդրել] և չի էլ խնդրի, և հանդիպում չի լինի»,- նշել է փոխնախարարը՝ պատասխանելով ՏԱՍՍ-ի հարցին։
Ավելի վաղ ԱՄՆ պետքարտուղարի Եվրոպայի և Եվրասիայի հարցերով օգնական Ջեյմս Օ՛Բրայենը ձեռնպահ էր մնացել նման շփումների հնարավորության մասին մեկնաբանություններից։
Լավրովն իր հերթին ասել էր, որ ռուսական պատվիրակությունը կմասնակցի Սկոպյեում ԵԱՀԿ ԱԳ նախարարների խորհրդի նիստին, եթե Բուլղարիան, ինչպես խոստացել էր, բացի օդային տարածքը Ռուսաստանի Դաշնության համար։
ԵԱՀԿ ԱԳ նախարարների հանդիպումը տեղի կունենա նոյեմբերի 30-ից դեկտեմբերի 1-ը Սկոպյեում։
