15.09.2026 | 18:30
«Դաշնակցական բոլշևիզմ»-ից մինչև «ՀՀՇ-ի ծիլեր». գաղափարախոսական պարադոքս՝ ԱԺ-ում. ՏԵՍԱՆՅՈՒԹ
Իսրայելը կվերսկսի մարտերը, եթե ՀԱՄԱՍ-ը նոյեմբերի 27-ին չհայտարարի պատանդների ազատ արձակման մասին
Քաղաքականություն
27.11.2023 | 13:33
Եթե պաղեստինյան ՀԱՄԱՍ շարժումը նոյեմբերի 27-ին չհայտարարի, որ պատրաստվում է ազատ արձակել Գազայի հատվածում պահվող պատանդների հինգերորդ խմբին, Իսրայելը կվերադառնա անկլավում մարտերին: Նման հայտարարությամբ է հանդես եկել իսրայելական պետական «Կան» հեռուստառադիոընկերությունը՝ վկայակոչելով Իսրայելի իշխանությունում սեփական աղբյուրին, գրում է ՏԱՍՍ-ը։
«Մենք գործ ունենք դաժան ահաբեկչական կազմակերպության հետ, ուստի պետք է սպասենք մինչև վերջին րոպեն: Եթե այսօր երեկոյան նրանք [ՀԱՄԱՍ] չհայտարարեն պատանդների հինգերորդ խմբին ազատելու մտադրության մասին, մենք կվերադառնանք ռազմական գործողություններին»,- մեջբերում է անանուն պաշտոնյային Kan-ը:
Նրա խոսքով՝ Իսրայելն ակնկալում է, որ միջնորդները ճնշում կգործադրեն ՀԱՄԱՍ-ի կողմնակիցների վրա՝ ազատ արձակելու բոլոր անչափահասներին, որոնց գերության մեջ են պահում։ Միևնույն ժամանակ, աղբյուրը Kan-ին ասել է, որ դեռևս որևէ նշան չի տեսնում, որ Կատարի վարչապետ և արտգործնախարար Մուհամեդ բեն Աբդուլ Ռահման ալ-Թանիի խոսքերը Գազայի հատվածում այլ խմբերի կողմից պահվող մոտ 40 պատանդների, կանանց և երեխաների մասին ճշմարիտ են։
Ավելի վաղ իսրայելական Galei Tzahal ռադիոկայանը հայտարարել էր, որ իսրայելական իշխանությունները ստացել են Գազայի հատվածում պաղեստինյան արմատական ՀԱՄԱՍ շարժման կողմնակիցների մոտ պահվող պատանդների ցուցակը, որոնք պետք է ազատ արձակվեին նոյեմբերի 27-ին փոխանակման չորրորդ փուլի շրջանակում։
Իր հերթին, ամերիկյան The Wall Street Journal պարբերականը, վկայակոչելով Եգիպտոսի պաշտոնյաներին, պնդում է, որ իսրայելական կողմի ստացած ցուցակներում 11 մարդ կա։
Իսրայելը դեռևս չի մեկնաբանել լրատվամիջոցների այս հրապարակումները։
