Եղանակային փորձություններ Եվրոպայում. հարյուրավոր քաղաքներ և գյուղեր առանց էլեկտրականության են մնացել

Լուրեր

22.11.2026 | 01:11
Սերգեյ Ջանջոյան. «Դենիս Ջորկաեֆն արդեն հասցրել է իր իսկ հայտարարած սկզբունքներին դեմ գնալ»
21.11.2026 | 23:51
Դենիս Ջորկաեֆ. «Տեղափոխվում եմ Հայաստան, սովորում եմ հայերեն»
21.11.2026 | 21:28
Դենիս Ջորկաեֆը` ՀՖՖ նախագահի թեկնածու
21.11.2026 | 20:05
3,1 միլիոնի շուրջ կասկածներ․ ինչպե՞ս են հաշվում բնակչության թիվը․ ԱՉՔԻ ՏԱԿ
21.11.2026 | 19:41
GTA VI-ն ռեկորդային վաճառք է գրանցել՝ մեկ օրում ապահովելով 3,79 միլիարդ դոլարի եկամուտ
21.11.2026 | 19:12
Քննարկվել են Հայաստան-Մալթա հարաբերությունների հետագա խորացման հարցեր
21.11.2026 | 19:01
Այսօրվա Երևանն ագրեսիվ քաղաք է, մենք ենք փոխվել, դրան զուգահեռ՝ քաղաքը․ Էմ Կալմուխյան. ՏԵՍԱՆՅՈՒԹ
21.11.2026 | 18:54
Կենտրոնում ամբողջ շաբաթ փոշու պարունակությունը գերազանցել է սահմանային շեմը
21.11.2026 | 18:23
Հայաստանը և Իրանը պայմանավորվել են ընդլայնել համագործակցությունը բարձր տեխնոլոգիաների և նորարարության ոլորտներում
21.11.2026 | 18:02
Փաշինյանն ընդունել է Dell Technologies-ի տարածաշրջանային նախագահին․ քննարկվել են Հայաստանում նոր ներդրումների հնարավորությունները
21.11.2026 | 17:57
Վարչապետը հանդիպում է ունեցել է Խաղաղության Նոբելյան մրցանակակիր Քայլաշ Սաթյարթիի հետ
21.11.2026 | 17:46
ՏԻՄ ընտրությունների նախընտրական փուլում արձանագրվել է 43 միջադեպ և խախտում․ «Անկախ դիտորդ»
21.11.2026 | 17:18
Ինչ եղանակ է սպասվում առաջիկա օրերին
21.11.2026 | 16:54
Ակրոպոլիսի թանգարանում բացվել է հին Հայաստանին նվիրված բացառիկ ցուցահանդես
21.11.2026 | 16:37
Հրդեհ Եղվարդ քաղաքում. հրշեջ-փրկարարները կանխել են հրդեհի տարածումը դեպի հարակից բնակելի տուն
Բոլորը

Սև ծովի վրա ձևավորված ցիկլոնը ձնաբուք և սաստիկ քամիներ է բերել Արևելյան Եվրոպա: Արևելյան Ռումինիայում և Մոլդովայում ձյան առատ տեղումների և ձնաբքի հետևանքով հարյուրավոր բնակավայրեր հոսանքազրկվել են, իսկ որոշ հանրապետական մայրուղիներով երթևեկությունն արգելափակվել է։ Մոլդովայում կիրակի՝ նոյեմբերի 26-ին, վատ եղանակը հանգեցրել է 40-ամյա տղամարդու մահվան, ում մեքենան դուրս է եկել ճանապարհի երթևեկելի հատվածից և բախվել ծառին, հայտնում է երկրի ազգային ոստիկանությունը։

Ոստիկանության հայտարարության մեջ կոչ է արվել զերծ մնալ ճանապարհորդելուց՝ «բացառությամբ խիստ անհրաժեշտ դեպքերի», գրում է DW-ի ռուսական ծառայությունը։

Ռումինիայում իշխանությունները եղանակային սպառնալիքի վտանգի աստիճանը բարձրացրել են կարմիր մակարդակի արևելյան Կոնստանցա, Տուլչա, Գալաթի և Բրայլա շրջաններում: Էներգետիկայի նախարար Սեբաստիան Բուրդուջան AP-ին ասել է, որ նոյեմբերի 26-ին էլեկտրաէներգիայի անջատումներ են գրանցվել երկրի ավելի քան 400 բնակավայրերում: Բացի այդ, Կոնստանցա նավահանգիստը և Ռումինիայի այլ սևծովյան նավահանգիստները դադարեցրել են գործունեությունը:

Միևնույն ժամանակ, Բուլղարիայում սաստիկ ձնաբքի հետևանքով երկրի մեծ մասում արտակարգ դրություն է հայտարարվել: Վարչապետ Նիկոլայ Դենկովի խոսքով՝ նոյեմբերի 26-ին ավելի քան 1000 բնակավայրեր, հիմնականում՝ երկրի հյուսիս-արևելքում մնացել են առանց էլեկտրամատակարարման։ Ուժեղ քամու հետևանքով ճանապարհները փակվել են, պատահարների թիվը կտրուկ աճել է, ծառեր են տապալվել, էլեկտրահաղորդման գծեր են տապալվել, նշել է Դենկովը։

Բուլղարիայում վերջին 24 ժամվա ընթացքում ձնաբքի ժամանակ ճանապարհատրանսպորտային պատահարների հետևանքով 2 մարդ է զոհվել, 36-ը՝ վիրավորվել, հայտնում է AP-ն։ Եվս մեկ մարդ է մահացել Կազանլակում. «Նովա» հեռուստաալիքը հայտնել է, որ անօթևան տղամարդ է մահացած հայտնաբերվել աղբամանների մոտ։

Սոֆիայում էլեկտրամատակարարումը նույնպես խափանվել է էլեկտրահաղորդման գծերի վնասվելու հետևանքով, գրում են բուլղարական լրատվամիջոցները։ Վատ եղանակի հետևանքով ընդհատվել է Վառնայի և Սոֆիայի երկաթուղային կապը։ Վառնայի օդանավակայանում բազմաթիվ միջազգային չվերթներ են չեղարկվել։

Սերբիայի մեծ մասում ձյուն է տեղացել, իսկ որոշ շրջաններում եղանակային պայմանները խաթարել են էլեկտրամատակարարումը:

Վատ եղանակը հարվածել է նաև եվրոպական այլ երկրների։ Իտալիայի մայրաքաղաքում քամուց պոկված ծառը ճզմել է Մոնտեվերդե թաղամասի 82-ամյա բնակչին։

Հունաստանում «Բետինա» փոթորիկը կիրակի աստիճանաբար նահանջել է, հաղորդում են տեղական լրատվամիջոցները: Ուժեղ քամու պատճառով արգելվել են լաստանավերի բազմաթիվ երթուղիներ։

Ստամբուլում ձյան առատ տեղումներ են կանխատեսվում. կիրակի օրը Թուրքիայի իշխանությունները անբարենպաստ եղանակային պայմանների պատճառով 81 նահանգներից 44-ում տագնապի նարնջագույն մակարդակ են հայտարարել։

Հիշեցնենք, որ նույն օրը Սև ծովում մոլեգնող հզոր փոթորկի պատճառով ՌԴ-ի կողմից բռնակցված Ղրիմում առանց էլեկտրականության է մնացել շուրջ 500 հազար մարդ։