23.02.2026 | 21:00
Պատերազմի ռիսկը կտրուկ նվազեց. «Թրամփի ուղին» նախ անվտանգության գործիք է, հետո՝ տնտեսական․ Դավիթ Պետրոսյան․ ՏԵՍԱՆՅՈՒԹ
Անկարան կրկին առաջարկել է ՌԴ-ի և Ուկրաինայի միջև բանակցություններ կազմակերպել
Քաղաքականություն
24.11.2023 | 17:24
Թուրքիայի իշխանությունները պատրաստ են ևս մեկ անգամ բանակցություններ կազմակերպել իրենց տարածքում Ռուսաստանի Դաշնության և Ուկրաինայի միջև՝ հակամարտությունը կարգավորելու համար։ Այս մասին հայտարարել է Թուրքիայի արտգործնախարար Հաքան Ֆիդանը, փոխանցում է ՌԻԱ Նովոստին։
«Անհրաժեշտ պայմանների առկայության դեպքում մենք պատրաստ ենք ևս մեկ անգամ մեր տարածքում անցկացնել խաղաղության բանակցություններ Ռուսաստանի Դաշնության և Ուկրաինայի միջև»,- ասել է Ֆիդանը Stratcom միջազգային ռազմավարական հաղորդակցության գագաթնաժողովում:
Թուրք պաշտոնյայի խոսքով՝ խաղաղության հասնել հնարավոր կլինի միայն այն դեպքում, եթե դադարեն երրորդ երկրների աջակցությունն ու հավաքական ջանքերը։ Միաժամանակ, Ֆիդանն ընդգծել է, որ Թուրքիան աջակցում է Ուկրաինայի տարածքային ամբողջականությանը և Ղրիմը համարում է նրա տարածքը։
Գագաթնաժողովին, որի կենտրոնական թեման հիբրիդային սպառնալիքների դեմ պայքարն է, ելույթ կունենան ավելի քան 60 բանախոսներ 30 երկրներից։
