15.02.2026 | 15:31
Վիզայի տրամադրումից հետո վիզայի հետ կապված ստուգումները չեն դադարում․ ՀՀ-ում ԱՄՆ դեսպանատուն
Ադրբեջանը դադարեցրել է ԵՄ մի շարք երկրների հետ համատեղ ծրագրերը՝ նրանց «հայանպաստ դիրքորոշման պատճառով»
Քաղաքականություն
21.11.2023 | 17:24
Ադրբեջանը կասեցրել է ԵՄ-ի մի շարք երկրների հետ համատեղ Թվինինգ նախագծերի իրականացումը։ Այս մասին հայտնում են ադրբեջանական լրատվամիջոցները՝ վկայակոչելով դիվանագիտական աղբյուրին։
Մասնավորապես, աղբյուրը հայտնել է, որ նման որոշում է ընդունվել «ԵՄ մի շարք երկրների հայանպաստ և հակաադրբեջանական դիրքորոշման հետ կապված»։
Հաղորդվում է, որ պաշտոնական Բաքուն դադարեցրել է Լիտվայի հետ երեք համատեղ նախագիծ՝ իրավապահների, առողջապահության և սոցիալական ապահովության ոլորտներում։ Ադրբեջանի որոշումն առնչվում է նաև Շվեդիային ու Հունաստանին, այս երկրների պարագայում՝ միգրացիայի ոլորտում։ Բացառություն է արվել Լեհաստանի և Ֆինլանդիայի հետ նախագծերի համար՝ պայմանավորված «այդ երկրների հավասարակշռված դիրքորոշմամբ»։
Էմմա Չոբանյան
