02.11.2024 | 15:28
ԱԺ հանձնաժողովի անդամները մասնակցել են ԵՄ խորհրդարանների ԵՄ հարցերով հանձնաժողովների համաժողովին
Գերմանիայի ՊՆ ղեկավարը Կիև է ժամանել
Քաղաքականություն
21.11.2023 | 14:30
Գերմանիայի պաշտպանության նախարար Բորիս Պիստորիուսը չհայտարարված այցով ժամանել է Կիև՝ վստահեցնելու Ուկրաինայի իշխանություններին, որ Կիևին Բեռլինի աջակցությունը ռուսական ագրեսիայի դեմ պայքարում չի թուլանա Մերձավոր Արևելքում պատերազմի ֆոնին, գրում է BBC-ի ռուսական ծառայությունը։
Սպասվում է, որ Պիստորիուսը բանակցություններ կվարի իր ուկրաինացի գործընկեր Ռուստեմ Ումերովի և նախագահ Վլադիմիր Զելենսկու հետ, ինչպես նաև կմասնակցի Մայդանում ծաղկեպսակ դնելու արարողությանը և կայցելի ռազմական ուսումնական կենտրոն։
Գերմանիան ԱՄՆ-ից հետո երկրորդ երկիրն է Ուկրաինային ռազմական օգնության մատակարարման առումով։
Պիստորիուսը, որն Ուկրաինայի մայրաքաղաք է ժամանել երեքշաբթի առավոտյան գնացքով, երկրորդ այցն է կատարում Կիև՝ որպես ռազմական գերատեսչության ղեկավար և դա անում է ԱՄՆ Պենտագոնի ղեկավար Լլոյդ Օսթինի այցի հաջորդ օրը (նրա այցի մասին նույնպես նախապես չի հայտարարվել):
